రోడ్డు ప్రమాదంలో మలయాళ సినీ నటుడు బేసిల్ జార్జ్ చనిపోయాడు. జార్జ్ అతని ముగ్గురు స్నేహితులు, డ్రైవర్తో కలిసి కార్‌లో కొలెంచెర్రీ నుండి ఎర్నాకులం జిల్లా మువత్తపుజా వైపు వెళ్తుండగా కార్ అదుపుతప్పి ఎదురుగా ఉన్న షాప్, ఓ ఇంటిని ఢీ కొట్టింది. ఆదివారం రాత్రి జరిగిన ఈ ఘటన ఆలస్యంగా వెలుగులోకి వచ్చింది. ఆస్పత్రికి తరలిస్తుండగా జార్జ్, అతని స్నేహితులు నిధిన్, అశ్విన్ మరణించారు.
మలయాళ ఇండస్ట్రీలో ఇప్పుడిప్పుడే తనకంటూ ప్రత్యేక గుర్తింపు సంపాదించుకుంటున్నాడు బేసిల్ జార్జ్. సంఘటనా స్థలంలో ఉన్న వలస కార్మికులు తృటిలో ప్రమాదం నుంచి తప్పించుకున్నారు.
