ఫుడ్ని బాగా ఎంజాయ్ చేస్తూ తినేవాళ్లు టేస్టీ ఫుడ్ ఎక్కడ దొరుకుతుందో కనుక్కొని మరీ వెళ్లి తింటారు. ఇంకొందరు అదే పనిగా యూట్యూబ్లో వ్లాగ్స్ కూడా చేస్తుంటారు. తిన్న ఫుడ్ గురించి ఫీడ్ బ్యాక్ ఇస్తుంటారు. కానీ... ఒకతను మాత్రం అమెరికాలో ఉన్న చైనీస్ రెస్టారెంట్లు ఎన్ని ఉన్నాయో వాటన్నింటిలో ఫుడ్ టేస్ట్ చేయాలని కంకణం కట్టుకున్నాడు.
డేవిడ్ కె. చాన్... అమెరికా సిటిజన్షిప్ ఉన్న చైనీయుడు. ఇప్పటికే అమెరికాలో ఉన్న 8000 రెస్టారెంట్లు చుట్టేశాడు. వామ్మో ఇంత ఓపిగ్గా తిరిగాడంటే మంచి ఫుడ్ లవర్ అయి ఉంటాడు. పైగా యూత్కి ఈ మధ్య ఇలాంటి వెరైటీ పనులు చేసి వైరల్ అవ్వడం అలవాటైంది. ఆయన కూడా అలా ఫేమస్ అవ్వాలని చేశాడనుకుంటున్నారా? కానే కాదు. ఆయనకు 72 ఏండ్లు. ఆ వయసులో మనవళ్లు, మనవరాళ్లతో ఎంజాయ్ చేస్తూ గడిపేస్తుంటారు చాలామంది. కానీ.. చాన్ మాత్రం అలా కాదు. చాన్1960 నుంచి చైనీస్ రెస్టారెంట్లలో ఫుడ్ తినడం ఒక పనిగా పెట్టుకున్నాడు. ఎందుకలా అంటే... ‘‘అమెరికాలో ఉన్న చైనీయుల చరిత్ర అంటే నాకు ఆసక్తి. అందుకే అమెరికాలో ఉంటూ చైనీస్ ఫుడ్ తినడం నాకు నచ్చింది. దాంతో నేను దేశంలో ఉన్న అన్ని చైనీస్ రెస్టారెంట్లలో ఫుడ్ టేస్ట్ చేయాలని డిసైడ్ అయ్యాను’’ అంటున్నాడు చాన్.
ఇప్పటికే సోషల్ మీడియాలో ఈయన ఫేమస్ అయ్యాడు. అందరూ ఈయన్ని ‘రెస్టారెంట్ కలెక్టర్’ అని పిలుస్తారు. ‘‘ఈ వయసులో ఇంత ఫిట్గా ఎలా ఉన్నారు?’’ అని అడిగితే.. ‘‘నేను షుగర్, కొలెస్ట్రాల్ లెవల్స్ తక్కువ ఉన్న ఫుడ్ తినడానికి ప్రిఫర్ చేస్తాను. రెగ్యులర్గా ఎక్సర్సైజ్ చేస్తాను’’ అంటున్నాడు చాన్. ఓపిక ఉన్నంత వరకు ఇలాగే చైనీస్ రెస్టారెంట్లను వెతుక్కుంటూ వెళ్లి అక్కడ ఫుడ్ లాగించడమే తన ఫ్యూచర్ ప్లాన్ అంటున్నాడు.
