- పోస్ట్మార్టం కోసం మోసుకెళ్లిన్రు
- మధ్యప్రదేశ్లో దారుణం..నెట్లో వీడియో
భోపాల్: ఆత్మహత్య చేసుకున్న కూతురి మృతదేహానికి పోస్ట్మార్టం చేయించడం కోసం ఓ తండ్రి ఏడు గంటలు నడిచిండు. ఇంకొకరిని తోడు తీసుకుని, బిడ్డ శవాన్ని మంచంపై కట్టేసి మోసుకెళ్లిండు. అధికారులు వెహికల్ను ఏర్పాటు చేయకపోవడం, వెహికల్ కిరాయిచ్చే స్తోమత ఆ తండ్రికి లేకపోవడమే దీనికి కారణం. మధ్యప్రదేశ్లోని సింగ్రౌలీ జిల్లాలోని గడాయ్ విలేజ్లో ఈ ఘటన జరిగింది. ఈ నెల 5న గడాయ్ గ్రామంలో పదహారేండ్ల అమ్మాయి ఆత్మహత్య చేసుకుంది. పోలీసులు స్పాట్ను పరిశీలించి, డెడ్బాడీని పోస్ట్మార్టం కోసం తీసుకురమ్మని చెప్పి వెళ్లిపోయారు. ఆస్పత్రి గ్రామానికి 35 కిలోమీటర్ల దూరంలో ఉంది. అధికారులేమో వెహికల్ను ఏర్పాటు చేయలే. ప్రైవేటు వెహికల్కు డబ్బులిచ్చే స్తోమత ఆ తండ్రికి లేదు. దీంతో డెడ్బాడీని మంచానికి కట్టి, ఊరోళ్ల సాయంతో మోసుకెళ్లిండు. ఆ వీడియో వైరల్ అయింది.
