మరికల్, వెలుగు : ఈదురుగాలులు, అకాల వర్షంతో గురువారం రాత్రి నారాయణపేట జిల్లా మరికల్ మండలం తీలేరు గ్రామంలోని ప్రశాంత్కుమార్రెడ్డి మామిడితోటలో కాయలు నేలరాలాయి. 5 కరెంటు పోల్స్, ట్రాన్స్ఫార్మర్ పడిపోయాయి. రూ.8 లక్షల వరకు నష్టం వాటిల్లినట్లు బాధితులు తెలిపారు. అలాగే పలు గ్రామాల్లో వరి పంట నేలకొరిగింది.
హైవే వెంబడి ఉన్న భారీ వృక్షాలు నేలకొరగడంతో రాకపోకలు స్థంభించాయి. వాటని పోలీసులు వెంటనే తొలగించి రాకపోకలను పునరుద్దరించారు. పూసల్పహాడ్ గ్రామంలో బసిరెడ్డికి సంబంధించిన బొప్పాయి తోటలో పండ్లు రాలిపోయి నష్టం వాటిల్లింది. నష్టపోయిన వారిని గుర్తించి ఆదుకోవాలని రైతులు కోరారు.
