న్యూఢిల్లీ: అనిల్ అంబానీ నేతృత్వంలోని రిలయన్స్ ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఫ్రాస్ట్రక్చర్ (రిలయన్స్ ఇన్ఫ్రా) ఫ్రాన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు చెందిన ఏవియేషన్ సంస్థ దసో ఏవియేషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో కీలక భాగస్వామ్యాన్ని కుదుర్చుకుంది. ఈ భాగస్వామ్యం ద్వారా దసో ఫాల్కన్ వ్యాపార జెట్ విమానాలను భారతదేశంలోనే తయారు చేయనున్నారు. భారత రక్షణ ఏవియేషన్ రంగంలో 'మేక్ ఇన్ ఇండియా' కార్యక్రమానికి ఇది గణనీయమైన ఊతం ఇవ్వనుంది.
ఈ ఒప్పందం కింద, రిలయన్స్ ఇన్ఫ్రా దసో ఏవియేషన్ కలిసి 200 అత్యాధునిక ఫాల్కన్ వ్యాపార జెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లను భారతదేశంలో ఉత్పత్తి చేస్తాయి. ఇందుకోసం నాగపూర్లో ఫెసిలిటీ ఏర్పాటు చేస్తాయి. ఇది దేశీయ తయారీ సామర్థ్యాన్ని పెంచడమే కాకుండా, విదేశీ దిగుమతులపై ఆధారపడటాన్ని తగ్గించడానికి సహాయపడుతుంది. ఈ భాగస్వామ్యం ద్వారా రెండు వేల మందికి ఉద్యోగాలు లభిస్తాయి.
దసో ఫాల్కన్ జెట్లు వాటి అధునాతన సాంకేతికత, పనితీరు, భద్రతకు ప్రసిద్ధి చెందాయి. ఈ జెట్ల తయారీ భారతదేశంలో జరగడం వల్ల, దేశీయంగా అత్యాధునిక ఏవియేషన్ సాంకేతిక పరిజ్ఞానాన్ని అభివృద్ధి చేయడానికి మార్గం సుగమం అవుతుంది. రక్షణ పౌర ఏవియేషన్ రంగంలో భారతదేశం స్వయం సమృద్ధిని సాధించాలనే లక్ష్యానికి ఈ భాగస్వామ్యం ఒక ముఖ్యమైన మైలురాయిగా నిలుస్తుందని నిపుణులు అభిప్రాయపడుతున్నారు. రిలయన్స్ ఇన్ఫ్రా ఇప్పటికే రక్షణ రంగంలో పలు ప్రాజెక్టులలో పాలుపంచుకుంటోంది. దసో‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో కుదిరిన ఈ ఒప్పందం ద్వారా, ఏవియేషన్ రంగంలో తన ఉనికిని మరింత బలోపేతం చేసుకోవాలని లక్ష్యంగా పెట్టుకుంది.
