భూమా మౌనిక తో పెళ్లి తన పర్సనల్ విషయమని మంచు మనోజ్ అన్నారు. సికింద్రాబాద్ లోని సీతాఫల్ మండి టీఆర్టీ కాలనీలో ఏర్పాటు చేసిన మహా గణపతిని భూమా మౌనికతో కలసి మంచు మనోజ్ దర్శించుకున్నారు. ఈ సందర్భంలో మంచు మనోజ్ మాట్లాడుతూ.. రాజకీయాల్లోకి వచ్చేది త్వరలోనే చెబుతానని తెలిపారు. రాజకీయ ప్రవేశం లాంటి విషయాలను ముందు మీడియాకే వెల్లడిస్తాని స్పష్టం చేశారు. ఇక మౌనికతో వివాహ విషయం నా వ్యక్తిగతమన్న మనోజ్.. ఇది సమయం కాదని, ఆ విషయంపై త్వరలోనే క్లారిటీ ఇస్తానని చెప్పారు. సమయం వచ్చినప్పుడు కచ్చితంగా మీడియాకే ముందుగా చెబుతానన్నారు. విఘ్నేశ్వరున్ని దర్శించుకున్న తర్వాత మీడియాతో మాట్లాడిన మంచు మనోజ్... ప్రతి ఒక్కరికీ గణపతి ఆశిస్సులు ఉండాలని, అందరూ పిల్లాపాపలతో బాగుండాలని భగవంతుణ్ణి ప్రార్థించినట్లు తెలిపారు.
