- కుషాయిగూడలో ఘటన
- మృతురాలి స్వస్థలం ఛత్తీస్‌‌గఢ్‌‌లోని రాయ్పూర్‌
కుషాయిగూడ, వెలుగు: ఉద్యోగం రావట్లేదని మనస్తాపానికి గురైన ఓ వివాహిత సూసైడ్చేసుకుంది. ఈ ఘటన కుషాయిగూడ పోలీస్ స్టేషన్ పరిధిలో జరిగింది. ఛత్తీస్‌‌గఢ్‌‌లోని రాయ్పూర్‌‌కు చెందిన రిటైర్డ్ఉద్యోగి రాజారామ్ మహాజన్ కూతురు స్వాతి మహాజన్(30)కు పదేళ్ల క్రితం గోపాలకృష్ణ తులసీదాస్ వాఘలేతో వివాహమైంది. వీరికి ఆరేళ్ల కుమారుడు ఉన్నాడు. పెళ్లయిన తర్వాత ఈ దంపతులు యూకేలో ఉద్యోగాలు చేశారు. రెండేళ్ల క్రితం హైదరాబాద్ వచ్చారు. కాప్రా మారుతి జూబ్లీ ఎన్క్లేవ్‌‌లోని మ్యాప్లి హోమ్స్‌‌లో ఉంటున్నారు.
ఇక్కడికి వచ్చాక భర్త మాత్రమే ఉద్యోగం చేస్తుండగా, స్వాతికి జాబ్దొరక్క ఇంటివద్దే ఉంటోంది. ఎంత ప్రయత్నించినా ఉద్యోగం రావడం లేదని తరచూ తండ్రితో చెబుతూ బాధ పడుతుండేది. ఈ క్రమంలో బుధవారం మధ్యాహ్నం పక్కింటి వ్యక్తి మహేశ్స్కూల్ నుంచి స్వాతి కుమారుడిని ఇంటికి తీసుకొచ్చాడు. పలుమార్లు తలుపు తట్టినా స్పందన లేకపోవడంతో, వెంటనే గోపాలకృష్ణకు ఫోన్ చేశాడు. ఇంటికి చేరుకున్న అతను మహేశ్సహాయంతో తలుపులు పగులగొట్టి చూడగా.. స్వాతి ఉరేసుకొని కనిపించింది. ఉద్యోగం రావడం లేదన్న మనస్తాపంతోనే తన కుమార్తె ఆత్మహత్య చేసుకుందని మృతురాలి తండ్రి ఫిర్యాదు చేశారు. కేసు దర్యాప్తు చేస్తున్నట్లు పోలీసులు పేర్కొన్నారు.
