ఆఫీస్లో లేదా పనిచేసే చోట నిద్రపోతే జాబ్లోంచి తీసేస్తారు. కానీ, ఈ కంపెనీలో మాత్రం బాగా నిద్రపోయేవాళ్లనే తీసుకుంటారు. అందుకు జీతం కూడా ఇస్తారు. ఈ కంపెనీ ఎక్కడ ఉందంటే... న్యూయార్క్లో. అక్కడి కాస్పెర్ అనే కంపెనీ మ్యాట్రెస్లు తయారుచేస్తుంది. బిజినెస్ పెంచుకునేందుకు కొత్తగా ఆలోచించి... ‘క్యాస్పెర్ స్లీపర్స్’ కావాలని ఈమధ్యే ఒక ప్రకటన చేసింది.
తమ మ్యాట్రెస్ మీద పడుకుంటే కంటినిండా నిద్రపడుతుందని చెప్పడంతో పాటు మార్కెట్ పెంచుకునేందుకు ‘ప్రొఫెషనల్ స్లీపర్స్’ కోసం వెతుకుతోంది క్యాస్పెర్ కంపెనీ. అందుకని ‘హాయిగా నిద్రపోవాలనుకునేవాళ్లు మా కంపెనీలో చేరండి. ఎందుకంటే... కంటినిండా నిద్ర అనేది అన్ని విధాలా మంచిదని మేము నమ్ముతాం’ అని జాబ్ నోటిఫికేషన్ ఇచ్చింది.
ఈ లక్షణాలు ఉంటేనే...
‘ప్రొఫెషనల్ స్లీపర్’ జాబ్కు అప్లై చేసేవాళ్లకు కొన్ని లక్షణాలు ఉండాలి. అవేంటంటే.. వాళ్లు తొందరగా నిద్రపోవాలి. ఎక్కువ టైం నిద్రపోవాలనే కోరిక ఉండాలి. చుట్టూరా ఏం జరిగినా ఏమీ పట్టనట్టు హాయిగా పడుకోవాలి. అంతేకాదు ప్రొఫెషన్ స్లీపర్స్గా తమ అనుభవం గురించి సోషల్ మీడియాలో కంటెంట్ క్రియేట్ చేయాలి. అలాగే తాము ఎంత బాగా నిద్రపోతామో చెప్పడానికి టిక్టాక్లో వీడియో తీసి పంపాలి. ఈ జాబ్కి అప్లై చేసేవాళ్లు న్యూయార్క్ సిటీలో ఉండేవాళ్లనే తీసుకుంటారు. అంతేకాదు వాళ్ల వయసు 18 ఏండ్ల పైనే ఉండాలి. దరఖాస్తు చేసుకునేందుకు ఆగస్టు 11 అంటే ఈ రోజే చివరి తేదీ.
ప్రొడక్ట్స్ ఉచితంగా వాడుకోవచ్చు
‘‘జాబ్కి అప్లై చేసినవాళ్లు మా స్టోర్లో వచ్చి క్యాస్పెర్ పరుపుల మీద నిద్రపోవాలి. ఎక్స్పీరియెన్స్ గురించి టిక్టాక్ వీడియోలు చేసి వాటిని క్యాస్పెర్ సోషల్ మీడియా ఖాతాల్లో పోస్ట్ చేయాలి” అని చెప్పింది క్యాస్పెర్ కంపెనీ.