- బుక్చేసిన 12 గంటల్లోపు అందించేలా ప్లాన్ చేస్కోవాలి
హైదరాబాద్, వెలుగు: ట్యాంకర్ బుకింగ్స్ ఎక్కువగా ఉన్న ప్రాంతాల్లో వీలైనంత త్వరగా డెలివరీ చేసేందుకు ప్రయత్నించాలని వాటర్బోర్డు ఎండీ సుదర్శన్రెడ్డి అధికారులను ఆదేశించారు. మంగళవారం ఆయన వాటర్బోర్డు హెడ్డాఫీసులో వేసవి కార్యాచరణ, ట్యాంకర్ మేనేజ్ మెంట్పై అధికారులతో సమీక్ష నిర్వహించారు. క్షేత్రస్థాయిలోని పరిస్థితిపై ఆరా తీశారు.
ప్రస్తుతం ట్యాంకర్ బుక్ చేసిన 24 గంటల్లో డెలివరీ చేస్తున్నామని, 12 గంటలకు తగ్గించాలని సూచించారు. ఏప్రిల్నెలలో కొత్త ట్యాంకర్లు, ఫిల్లింగ్ స్టేషన్లు, ఫిల్లింగ్ పాయింట్స్ అందుబాటులోకి తెచ్చామని చెప్పారు. రాత్రి వేళల్లో ట్యాంకర్ల సరఫరాతో పెండెన్సీ బాగా తగ్గిందన్నారు. మార్చి నెలలో మొత్తం 1,68,996 ట్యాంకర్లు డెలివరీ చేసినట్లు వెల్లడించారు. ఈ నెలలో 22 నాటికి 1,67,134 ట్రిప్పులు సరఫరా చేసినట్లు తెలిపారు.
మురుగు నీటి నిర్వహణపై ఫోకస్ పెట్టాలన్నారు. డైరెక్టర్ ఆపరేషన్స్-1, అజ్మీరా కృష్ణ, రెవెన్యూ డైరెక్టర్ వీఎల్ ప్రవీణ్ కుమార్, డైరెక్టర్ ఆపరేషన్స్-2 స్వామి, టెక్నికల్ డైరెక్టర్ రవికుమార్ పాల్గొన్నారు.
