నిజాంపేట, వెలుగు: శ్రీలంకతో జరిగే అండర్ –-17 క్రికెట్ టోర్నీకి మెదక్ జిల్లాకు చెందిన విద్యార్థి ఎంపికయ్యాడు. నిజాంపేట మండలకేంద్రానికి చెందిన చల్మేటి అరుణ్ సిద్దిపేటలోని గురుకృప కాలేజీలో ఇంటర్సెకండియర్ చదువుతున్నాడు. జిల్లా హెచ్ సీఏ ప్రీ ట్రైనింగ్ లో ట్రైనర్ అరవింద్ పర్యవేక్షణలో శిక్షణ పొందతూ.. ఒడిశా, పంజాబ్, వైజాగ్, గోవాలో జరిగిన దేశీయ క్రికెట్ టోర్నీల్లో ఆఫ్ స్పిన్ బౌలింగ్ లో అరుణ్ సత్తా చాటాడు. ఈ క్రమంలో శ్రీలంకలో వచ్చే సెప్టెంబర్ లో జరిగే టోర్నీలో ఐదు మ్యాచ్ లు ఆడటానికి ఎంపికయ్యాడు. టోర్నీకి ఎంపిక కావడంతో అరుణ్ ను తండ్రి నరేందర్, గ్రామస్తులు అభినందించారు.
