కామారెడ్డి యువకుడికి మంకీపాక్స్ నెగెటివ్
హైదరాబాద్/కామారెడ్డి, వెలుగు : కామారెడ్డి కి చెందిన ఇబ్రహీం అనే వ్యక్తికి మంకీ పాక్స్ నెగెటివ్గా తేలింది. పుణె వైరాలజీ ల్యాబ్లో అతని శాంపిల్స్ చెక్చేసిన డాక్టర్లు ఈ విషయాన్ని ధ్రువీకరించారు. అయితే అతనికి చికెన్పాక్స్ ఉండొచ్చని అనుమానం వ్యక్తం చేశారు. దీంతో వైద్యశాఖ ఊపిరి పీల్చుకుంది. ప్రస్తుతం హైదరాబాద్ఫీవర్ ఆసుపత్రి వైద్యులు తెలిపారు.
ఖమ్మంలో మంకీపాక్స్ కలకలం
ఖమ్మం నగరంలో మంకీపాక్స్ కేసు కలకలం రేపుతున్నది. లక్నోకు చెందిన సందీప్ (35) ఖమ్మం రూరల్ మండలంలోని ఆరెంపుల గ్రామం గ్రానైట్ పరిశ్రమలో పనిచేస్తున్నాడు. 20న లక్నో నుంచి ఖమ్మం వచ్చాడు. ఇతనికి చేతులు, కాళ్లపై దద్దుర్లు రావడంతో ఆర్ఎం పీ వైద్యుడిని సంప్రదించగా నగరంలోని ఓ ప్రైవేటు హాస్పిటల్కు తీసుకువెళ్లాడు. మంకీ పాక్స్ అనుమానంతో డీఎంహెచ్ఓ డాక్టర్ మాలతి ఆదేశాలతో హైదరాబాద్ నల్లకుంటలోని ఫీవర్ ఆసుప్రతికి తరలించారు.
