హైదరాబాద్ సిటీ, వెలుగు: పోలీస్ స్మృతి వారోత్సవాల సందర్భంగా సౌత్ వెస్ట్ జోన్ పోలీసులు, డెక్కన్ బ్లాస్టర్స్కలిసి మెగా జాబ్ మేళాను నిర్వహిస్తున్నారు. గురువారం ఉదయం 8 గంటల నుంచి మెహదీపట్నంలోని రూప్ గార్డెన్ ఫంక్షన్ హాల్లో జరిగే ఈ మేళాలో.. ఐటీ, సాఫ్ట్వేర్, బ్యాంకింగ్, ఫార్మసీ, ప్రైవేట్ సెక్టార్లతో పాటు అకౌంట్స్, టెక్నికల్, సేల్స్, మార్కెటింగ్ రంగాల్లో ఫ్రెషర్స్, అనుభవజ్ఞులు అందరూ పాల్గొనవచ్చని పోలీసులు తెలిపారు.
ఎస్సెస్సీ, ఐటీఐ, డిప్లొమా, గ్రాడ్యుయేషన్, బీటెక్, బీఫార్మ, ఎంఫార్మ అర్హతలు ఉన్నవారు దరఖాస్తు చేసుకోవచ్చన్నారు. విద్యా సర్టిఫికెట్లు, ఫొటోలు, రెజ్యూమ్తో హాజరు కావాలని సూచించారు. మరిన్ని వివరాలకు 8712661501ను సంప్రదించవచ్చని పేర్కొన్నారు.
