మాదాపూర్, వెలుగు: వరల్డ్ హార్డ్ డే సందర్భంగా గురువారం మాదాపూర్ మెడికవర్ హాస్పిటల్ డాక్టర్లు, సిబ్బంది మినీ వాకథాన్ నిర్వహించారు. గుండె సంరక్షణపై, ఆరోగ్యకరమైన జీవన శైలిపై అవగాహన కల్పించారు. హాస్పిటల్ నుంచి హైటెక్స్వరకు కొనసాగిన వాక్ను శేరిలింగంపల్లి ఎమ్మెల్యే అరెకపూడి గాంధీ జెండా ఊపి ప్రారంభించారు. ఎమ్మెల్యే గాంధీ మాట్లాడుతూ.. ప్రతి ఒక్కరూ గుండెపై ఒత్తిడి పడకుండా జాగ్రత్తలు తీసుకోవాలన్నారు.
సీనియర్ కార్డియాలజిస్ట్ డా. బాలాజీ మాట్లాడుతూ.. గుండెపోటు రావడానికి ఒళ్లు నొప్పులు, నీరసం, నిద్రలేమి, ఆందోళన, కోపం, డిప్రెషన్, మతిమరుపు లాంటివి సాధారణ కారణాలన్నారు. వీటిని ముందుగా గుర్తించి ట్రీట్మెంట్ తీసుకుంటే హార్ట్ స్ట్రోక్ రాకుండా జాగ్రత్త పడొచ్చన్నారు. గుండె ఆరోగ్యంగా ఉండాలంటే రోజూ కనీసం 30 నుంచి 40 నిమిషాలు వ్యాయామం చేయాలన్నారు. వాక్లో డాక్టర్లు ‘యూజ్ హార్ట్ఫర్ఎవ్రీ హార్ట్’ అంటూ నినాదాలు చేశారు. డాక్టర్ ప్రమోద్రెడ్డి, క్లస్టర్ హెడ్ దుర్గేశ్, సెంటర్ హెడ్మాత ప్రసాద్, డా.అనూష, సిబ్బంది పాల్గొన్నారు.
