మేడ్చల్ మండలం గౌడవెల్లి గ్రామంలో జిల్లా పశుసంవర్ధక శాఖ ఆధ్వర్యంలో గొర్రెల పంపిణీ కార్యక్రమం ఏర్పాటు చేశారు. ఈ ప్రోగ్రామ్కు మంత్రి మల్లారెడ్డి చీఫ్ గెస్ట్గా హాజరయ్యారు. లబ్ధిదారులకు గొర్రెలు పంపిణీ చేశాక గొంగడి కప్పుకుని.. చేతిలో కట్టె పట్టుకుని సరదాగా కాసేపు గొర్రెలు కాశారు.
ఈ సందర్భంగా ఏర్పాటు చేసిన కార్యక్రమంలో మల్లారెడ్డి మాట్లాడారు. సీఎం కేసీఆర్ నాయకత్వంలో రాష్ట్రంలో ఉన్న అన్ని కులాలకు ప్రాధాన్యత ఇస్తున్నామన్నారు. మేడ్చల్ మండలానికి మొత్తం 15 యూనిట్లు కేటాయించామని తెలిపారు. ఒక్కో యూనిట్లో 21 గొర్రెలు ఉంటాయన్నారు. తెలంగాణలో మాంసానికి ఎక్కువ డిమాండ్ ఉందని వివరించారు.
‑ మేడ్చల్, వెలుగు
