పెబ్బేరు, వెలుగు: పల్లె నిద్రతోనే గ్రామాల్లో అధిక సమస్యలు పరిష్కారమయ్యాయని మంత్రి నిరంజన్ రెడ్డి సతీమణి వాసంతి తెలిపారు. పల్లె నిద్ర కార్యక్రమంలో భాగంగా మంత్రి సతీమణి గురువారం రాత్రి మండలంలోని సూగూరు గ్రామంలో పర్యటించారు. గ్రామంలో ఇంటింటికీ తిరిగి సమస్యలపై ఆరా తీశారు. ఈ సందర్భంగా ఆమె మాట్లాడుతూ పల్లెనిద్ర రాష్ట్రంలోనే వినూత్న కార్యక్రమం అని అన్నారు.
100కు పైగా గ్రామాల్లో పల్లె నిద్ర చేసిన ఏకైక నాయకుడు మంత్రి నిరంజన్ రెడ్డి అని పేర్కొన్నారు. మంత్రి నిరంజన్ రెడ్డి చొరవతోనే తొమ్మిదేళ్లలో వనపర్తి జిల్లాకు మెడికల్, ఇంజనీరింగ్, వ్యవసాయ, మత్స్య కళాశాలలు వచ్చాయని గుర్తు చేశారు. లక్ష ఎకరాలకు సాగునీరు, రహదారులు నిర్మాణం వేగంగా జరిగిందన్నారు. 60 ఏళ్లలో జరగని అభివృద్ది 9 ఏళ్లలో చేసి చూపించారని చెప్పారు. సీఎం కేసీఆర్ సహకారంతో వనపర్తిని అభివృద్ధిలో అగ్రస్థానంలో నిలిపారని ఆమె పేర్కొన్నారు.
ALSO READ: ఎన్నికల నియమావళిని తప్పక పాటించాలి : కలెక్టర్ ఎస్. వెంకట్రావు
