గాంధీ జయంతి నుంచి లైసెన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డ్ సర్వేయర్ల సేవలు : మంత్రి పొంగులేటి

• 18వ తేదీ నుంచి రెండో విడత శిక్షణ ప్రారంభం: మంత్రి పొంగులేటి
• గత పదేండ్లు సర్వే విభాగాన్ని పట్టించుకోలే
• రిజిస్ట్రేషన్ టైమ్​లో సర్వే మ్యాప్ తప్పనిసరి అని వ్యాఖ్య

హైదరాబాద్, వెలుగు: అక్టోబర్ 2న గాంధీ జయంతి నాటికి లైసెన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డ్ సర్వేయర్ల సేవలను అందుబాటులోకి తీసుకొస్తామని రెవెన్యూ శాఖ మంత్రి పొంగులేటి శ్రీనివాస రెడ్డి తెలిపారు. లైసెన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డ్ సర్వేయర్ల నియామకంపై ఆదివారం అధికారులతో సమీక్ష నిర్వహించిన తర్వాత ఆయన ఈ విషయం వెల్లడించారు. ఇప్పటికే మొదటి విడత సర్వేయర్ల శిక్షణ పూర్తయిందని, రెండో విడత శిక్షణ 23 జిల్లా కేంద్రాల్లో ఈ నెల 18వ తేదీ నుంచి ప్రారంభమవుతుందని చెప్పారు.

అభ్యర్థులు ఆ రోజు ఉదయం 10 గంటల్లోపు తమ జిల్లా సర్వే విభాగం అసిస్టెంట్ డైరెక్టర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు రిపోర్ట్ చేయాలని సూచించారు. సర్వేయర్ల సేవలు పారదర్శకంగా ఉండేలా సర్వే మాన్యువల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను రూపొందించాలని అధికారులను మంత్రి ఆదేశించారు. రెవెన్యూ వ్యవస్థలో మెరుగైన సేవలు అందించడానికి సర్వే డిపార్ట్​మెంట్ బలోపేతం కావడం చాలా ముఖ్యమని, అందుకే ఈ విభాగంపై స్పెషల్ ఫోకస్ పెట్టామని తెలిపారు. గత పదేండ్లుగా సర్వే విభాగం నిర్లక్ష్యానికి గురైందని అన్నారు.

భూభారతి చట్టం ప్రకారం రిజిస్ట్రేషన్ టైమ్​లో సర్వే మ్యాప్ తప్పనిసరి అని చెప్పారు. ఈ నేపథ్యంలోనే లైసెన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డ్ సర్వేయర్ల సేవలు అవసరమవుతాయని పేర్కొన్నారు. మొదటి విడతలో భాగంగా మే 26 నుంచి జులై 26 వరకు 50 పని దినాల్లో 7 వేల మందికి శిక్షణ ఇచ్చామని తెలిపారు. గత నెల 28, 29వ తేదీల్లో జేఎన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌టీయూ ఆధ్వర్యంలో నిర్వహించిన ల్యాబ్ ప్రాక్టికల్ పరీక్ష ఫలితాలను కూడా ప్రకటించామన్నారు. ఈ పరీక్షలో ఉత్తీర్ణులైన అభ్యర్థులకు 40 రోజుల అప్రెంటిస్ శిక్షణ ఇప్పటికే ప్రారంభమైందని, ఇది పూర్తయిన వెంటనే వారికి లైసెన్స్ జారీ చేస్తామని చెప్పారు.