సీపీఆర్తో ప్రాణాలను రక్షించొచ్చని రాష్ట్ర విద్యాశాఖ మంత్రి సబితా ఇంద్రా రెడ్డి తెలిపారు. రంగారెడ్డి జిల్లా కలెక్టరేట్ కార్యాలయం కొంగరకలాన్ లో వైద్య ఆరోగ్య శాఖ అధ్వర్యంలో సీపీఆర్ పై శిక్షణ కార్యక్రమం నిర్వహించారు. ఈ కార్యక్రమంలో మంత్రి సబితారెడ్డి ముఖ్య అథితిగా పాల్గొన్నారు. ఈ సందర్భంగా మాట్లాడిన మంత్రి.. సీపీఆర్ చేయడంతో ప్రాణాలను కాపాడవచ్చునని, దీనిపై ప్రజా ప్రతినిధులకు ప్రతి ఒక్కరికీ ట్రైనింగ్ ఇవ్వడం జరుగుతుందని తెలిపారు. అనంతరం మంత్రి సబితారెడ్డి ఓ బొమ్మకు సీపీఆర్ చేశారు.
ప్రతి ఒక్కరూ సీపీఆర్ గురించి తెలుసుకోవాలని రంగా రెడ్డి జిల్లా కలెక్టర్ హరీష్ ఈ సందర్భంగా తెలిపారు. ఈ కార్యక్రమానికి అదనపు కలెక్టర్ ప్రతీక్ జైన్, ఏమ్మెల్యేలు మంచిరెడ్డి కిషన్ రెడ్డి, కల్వకుర్తి ఏమ్మెల్యే జైపాల్ యాదవ్, జడ్పీ చైర్ పర్సన్ అనిత రెడ్డి, రంగారెడ్డి జిల్లాకు చెందిన మున్సిపల్ చైర్ పర్సన్ లు హజరైయ్యారు.
