కాళేశ్వరం ప్రాజెక్ట్ పూర్తవడం బీజేపీకి మింగుడుపడటం లేదన్నారు మంత్రి శ్రీనివాస్ గౌడ్. బీజేపీ నేతలు అవగాహన లేకుండా మాట్లాడుతున్నారని మండిపడ్డారు. హైదరాబాద్ లో మీడియాతో మాట్లాడిన శ్రీనివాస్ గౌడ్… కేంద్రం నిధులివ్వకున్నా సొంతంగా ప్రాజెక్ట్ నిర్మించామన్నారు. 4 సీట్లు గెలవగానే బీజేపీ ఎగిసిపడుతుందన్న మంత్రి.. కాళేశ్వరానికి జాతీయ హోదా ఇప్పించి మాట్లాడాలన్నారు. విమర్శలు మానుకొని.. రాష్ట్రానికి నిధులు సాధించడంపై బీజేపీ దృష్టి పెట్టాలని సూచించారు.
