సికింద్రాబాద్లో మంత్రి తలసాని శ్రీనివాస్ యాదవ్ క్రైస్తవ కుటుంబాలకు క్రిస్మస్ గిఫ్ట్ లను పంపిణీ చేశారు. ప్రజలు సంతోషంగా పండుగలు జరుపుకోవాలని సూచించారు. పండుగ పూట పేదలు సంతోషంగా ఉండాలనేది ప్రభుత్వ ఉద్దేశమన్నారు. సీఎం కేసీఆర్ ఆదేశాల మేరకు గిఫ్ట్ ల పంపిణీతోపాటు గొప్ప విందును ఏర్పాటు చేస్తామని చెప్పారు.
చర్చిలు, గ్రేవీ యార్డ్ ల అభివృద్ధి కి అత్యధిక నిధులను తెలంగాణ ప్రభుత్వం కేటాయించిందని మంత్రి తలసాని శ్రీనివాస్ యాదవ్ తెలిపారు. రూ.10 కోట్ల వ్యయంతో క్రిస్టియన్ భవన నిర్మాణానికి శంకుస్థాపన చేశామన్నారు. అత్యంత ఖరీదైన ప్రాంతంలో 2 ఎకరాల భూమిని ప్రభుత్వం కేటాయించిందని గుర్తు చేశారు.
