- భారత వికాస్ పరిషత్ ట్రస్ట్ నుంచి ప్రేరణ పొందా: మంత్రి వివేక్ వెంకటస్వామి
- ట్రస్ట్‌‌కు రూ.లక్ష విరాళం..కృత్రిమ అవయవాల పంపిణీ
కూకట్పల్లి, వెలుగు: సామాజిక సేవా కార్యక్రమాలను ప్రతి ఒక్కరూ బాధ్యతగా తీసుకోవాలని రాష్ట్ర శక్తి, గనుల శాఖ మంత్రి వివేక్వెంకటస్వామి సూచించారు. కూకట్‌‌పల్లిలోని ‘భారత్ వికాస్ పరిషత్చారిటబుల్ ట్రస్ట్’ ఆధ్వర్యంలో నిర్వహించిన దివ్యాంగులకు ఉచిత కృత్రిమ అవయవాల పంపిణీ కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా జరిగిన సభలో మంత్రి వివేక్ మాట్లాడుతూ.. భారత్ వికాస్ పరిషత్ దశాబ్దాలుగా చేస్తున్న సేవా కార్యక్రమాల గురించి తనకు తెలుసని చెప్పారు.
దివ్యాంగులకు ఆత్మవిశ్వాసాన్ని కల్పిస్తూ.. వారి జీవితాల్లో వెలుగులు నింపేందుకు ట్రస్ట్ చేస్తున్న కృషి అభినందనీయమని కొనియాడారు. ట్రస్ట్ సేవలను చూసి తాను కూడా ప్రేరణ పొందానంటూ ట్రస్ట్‌‌కు రూ. లక్ష విరాళంగా ప్రకటించారు. సేవా కార్యక్రమాల విషయంలో ఎప్పుడైనా వచ్చి తనను కలవవచ్చని చెప్పారు. గతంలో రామగుండంలో లయన్స్ క్లబ్ ఆధ్వర్యంలో జైపూర్ ఫుట్స్ పంపిణీకి తాను రూ. 10 లక్షలు విరాళం ఇచ్చానని గుర్తు చేశారు. ట్రస్ట్ అధ్యక్షుడు అశ్విని సుబ్బారావు, డాక్టర్ రంగారావు, కూకట్పల్లి మున్సిపల్మాజీ చైర్మన్ సీహెచ్‌ హనుమంతరావు పాల్గొన్నారు.
