బయట మంచి తిండి తినాలనుకుంటే.. మంచి రెస్టారెంట్ కోసం చూస్తాం. ఆన్లైన్లో ఆర్డర్ చేయాలన్నా రేటింగ్ బట్టి ఆర్డర్ చేస్తాం. మరి, ప్రపంచంలోనే బెస్ట్ రెస్టారెంట్ ఏది అంటే… ఆన్సర్ ఫ్రాన్స్లోని మిరాజుర్. ‘ఆస్కార్’ ఆఫ్ ద ఫైన్ డైనింగ్ వరల్డ్గా పిలిచే ‘వరల్డ్స్ 50 బెస్ట్ రెస్టారెంట్ అవార్డ్స్’లో ఆ రెస్టారెంట్ ఫస్ట్ ప్లేస్ను దక్కించుకుంది. సింగపూర్లోని మెరీనా బే సాండ్స్లో నిర్వహించిన కార్యక్రమంలో మిరాజుర్ ఈ అవార్డును సొంతం చేసుకుంది. ఇటలీ సరిహద్దులకు అతి దగ్గరగా ఉండే మెంటన్ నగరంలో ఉందీ రెస్టారెంట్. అర్జెంటీనియన్–ఇటాలియన్ షెఫ్ మౌరో కొలాగ్రెకో ఆధ్వర్యంలో నడుస్తున్న ఈ రెస్టారెంట్లో మెడిటరేనియన్ ఫుడ్ వెరీ స్పెషల్. ఈ జాబితాలో ఇండియా నుంచి ఒక్కటంటే ఒక్క రెస్టారెంట్ కూడా చోటు దక్కించుకోలేకపోయింది. అత్యధికంగా స్పెయిన్కు చెందిన ఏడు రెస్టారెంట్లు జాబితాలో చోటు దక్కించుకోగా, ఆ తర్వాత ఐదు ఫ్రాన్స్ రెస్టారెంట్లు టాప్ 50లో నిలిచాయి. రెండో స్థానంలో డెన్మార్క్కు చెందిన నోమా రెస్టారెంట్ ర్యాంకు కొట్టేసింది. కొత్త ఎంట్రీల్లో మెరుగైన స్థానంలో నిలిచిన రెస్టారెంట్గానూ ఘనత సాధించింది. ఇక, బ్యాంకాక్లోని గగ్గన్ రెస్టారెంట్ నాలుగో స్థానాన్ని దక్కించుకోవడంతో పాటు ఆసియాలోనే ఉత్తమ రెస్టారెంట్గా నిలిచింది. కొత్త ఎంట్రీల్లో డెన్మార్క్ కోపెన్హాగన్లో ఉన్న నోమా రెస్టారెంట్ టాప్ స్థానానికి గట్టిపోటీనే ఇచ్చింది. కానీ, రెండోస్థానంతో సరిపెట్టుకుంది. అదే బెస్ట్ రెస్టారెంట్గా నిలుస్తుందని చాలా మంది అనుకున్నా ఆ అంచనాలను అందుకోలేకపోయింది. స్పెయిన్కు చెందిన అసాడర్ ఎగ్జ్బరీ మూడో స్థానంలో నిలిచింది. కాగా, 2002లో స్టార్ట్ చేసిన ఈ అవార్డ్స్లో ఇప్పటిదాకా స్పెయిన్, అమెరికా, బ్రిటన్, డెన్మార్క్, ఇటలీకి చెందిన రెస్టారెంట్లే విన్నర్లుగా నిలిచాయి. తాజాగా ఫ్రాన్స్ ఆ జాబితాలో చేరింది.
బెస్ట్ మహిళా షెఫ్
బెస్ట్ మహిళా షెఫ్గా మెక్సికోకు చెందిన డేనియెలా సోటో ఇన్స్ అవార్డు గెలుచుకుంది. ఇన్నాళ్లూ ఆడవాళ్లకు అవార్డుల్లో చోటు ఇవ్వలేదు. దీంతో అవార్డుల్లో వివక్ష చూపిస్తున్నారంటూ విమర్శలు వెల్లువెత్తాయి. ఈ నేపథ్యంలో ఈసారి బెస్ట్ మహిళా షెఫ్ కేటగిరీని ప్రవేశపెట్టారు. దీంతో అందరి దృష్టి ఆ కేటగిరీవైపే మళ్లింది. స్పానిష్ అమెరికన్ షెఫ్ జోస్ ఆండ్రీస్కు ‘ఐకాన్ అవార్డ్’ దక్కింది. ఏ లాభం ఆశించకుండా ప్రకృతి విపత్తులు వచ్చినప్పుడు బాధితులకు ఉచితంగా ఫుడ్డును అందించడం కోసం ‘వరల్డ్ సెంట్రల్ కిచెన్’ అనే రెస్టారెంట్ను స్థాపించినందుకుగానూ అతడిని ఈ అవార్డు వరించింది. పారిస్లోని అర్పీజ్ రెస్టారెంట్షెఫ్ అలైన్ పస్సార్డ్కు ‘షెఫ్స్ చాయిస్ అవార్డ్’ దక్కింది. టోక్యోకు చెందిన డెన్ రెస్టారెంట్ ‘ఆర్ట్ ఆఫ్ హాస్పిటాలిటీ’ అవార్డును అందుకుంది.
టాప్ 10 రెస్టారెంట్లు
మిరాజుర్ (మెంటన్, ఫ్రాన్స్)
నోమా (కోపెన్హాగెన్, డెన్మార్క్)
అసాడర్ ఎగ్జ్బరీ (ఆక్స్పె, స్పెయిన్)
గగ్గన్ (బ్యాంకాక్)
జెరానియం (కోపెన్హాగెన్, డెన్మార్క్)
సెంట్రల్ (లిమా, పెరు)
ముగారిట్జ్ (శాన్ సెబస్టియన్, స్పెయిన్)
అర్పీజ్ (పారిస్, ఫ్రాన్స్)
డిస్ఫ్రటార్ (బార్సిలోనా, స్పెయిన్)
