ఖమ్మం టౌన్, వెలుగు : ఖమ్మం ఏఎంసీ మార్కెట్ లో సోమవారం మిర్చికి రికార్డు ధర పలికింది. సెలక్షన్ గ్రేడ్ సెక్రెటరీ రుద్రాక్ష మల్లేశం, చైర్మన్ డౌలే లక్ష్మీ ప్రసన్న ఆధ్వర్యంలో జెండా పాట నిర్వహించగా తేజ ఏసీ మిర్చి క్వింటా ధర రూ.23,500 పలికింది. మార్కెట్ యార్డుకు 2 వేల బస్తాలు వచ్చాయని అధికారులు చెప్పారు. 15 వతేదీన తేజ ఏసీ రకానికి రూ.23 వేలు పలకగా మూడు రోజుల్లోనే మరో రూ.500 పెరగడంతో రైతులు హర్షం వ్యక్తం చేస్తున్నారు.
