సిద్దిపేట జిల్లా: కలలో కూడా ఊహించని ఇండ్లను సీఎం కేసీఆర్ ఇస్తుండు అన్నారు ఎమ్మెల్యే హరీష్. శుక్రవారం సిద్దిపేట అర్బన్ మండలం వెల్కటూర్ గ్రామంలో 31డబుల్ బెడ్ రూమ్ ఇండ్లను ప్రారంభం చేశారు హరీష్. ఈ సందర్భంగా మాట్లాడిన ఆయన ..”5ఏండ్ల కిందట ఇంటి స్థలాల ప్లాట్స్ పంపిణీ చేశా. గతంలో కాంగ్రెస్ ఇచ్చే70 వేల రూపాయలు ఇల్లు కట్టుకోవడానికి సరిపోయేది కాదు. నేడు ప్రభుత్వ స్థలంలో5లక్షలతో ఇండ్లు కట్టిస్తుంది. ఈ రోజు ప్రతి అవ్వ ముఖంలో సంతోషం కన్పిస్తుంది.
ప్రభుత్వం పేదల పట్ల నిజాయితీకి నిదర్శనం ఈ డబుల్ బెడ్ రూమ్ ఇండ్లు. అన్ని వసతులతో ఇండ్లు నిర్మాణం చేసి ఇచ్చాం, పరిశుభ్రంగా ఉంచుకోవాలి. ప్రభుత్వం ఇచ్చినా అస్థిని కాపాడుకోవాలి, అమ్మినా కొనినా జైల్ కి వెల్లుతారు. వారం రోజుల్లో మిగిలిన16 మందికి ఇండ్లు మంజూరు చేస్తా. రెక్కాడితే కానీ దొక్కడని వారికి ఇండ్లు ఇవ్వడం సంతోషంగా ఉంది. త్వరలో ఇంటిస్థలం ఉన్నవారికి కూడా ఇల్లు కట్టిస్తాం. ప్రతి ఒక్కరూ ఇంటి ముందు మొక్కలు నాటి నాకు ఆదర్శ కాలనిగా మార్చాలి. పేదలకు ఇండ్లు ఇవ్వడం వల్ల ఒక్క ప్రజా ప్రతినిధిగా నాకు చాలా సంతోషంగా ఉంది. మాట ఇస్తే తప్పే వ్యక్తిని కాదు నేను, మిగిలిన పేదలకు ఇండ్లు కట్టిస్తా. అని తెలిపారు హరీష్.
