జగిత్యాల టౌన్, వెలుగు: కేసీఆర్ పాలనలో ఉద్యమ ఆకాంక్షలు నెరవేరలేదని జగిత్యాల కాంగ్రెస్అభ్యర్థి, ఎమ్మెల్సీ జీవన్‌‌‌‌‌‌‌‌రెడ్డి ఆరోపించారు. శుక్రవారం జగిత్యాల రూరల్ మండలం బావోజీపల్లి, గొల్లపల్లె గ్రామంలో ఎన్నికల ప్రచారం చేశారు. బావోజీపల్లి లో ఎమ్మెల్సీ సమక్షంలో 100 మంది ఇతర పార్టీల నాయకులు కాంగ్రెస్‌‌‌‌‌‌‌‌లో చేరారు.
ఈ సందర్భంగా జీవన్ రెడ్డి మాట్లాడుతూ ప్రత్యేక రాష్ట్రం ఏర్పడితే తమ బతుకులు మారుతాయని, ఉద్యోగాలు లభిస్తాయని ఆశించిన యువతకు నిరాశే మిగిలిందన్నారు. కాంగ్రెస్ పాలనలో రేషన్ కార్డు మీద 9 రకాల నిత్యావసర సరుకులు అందించామని, కేసీఆర్ బియ్యం తప్పా అన్ని రద్దు చేసిండన్నారు. ఇచ్చిన మాట నిలబెట్టుకునే పార్టీ కాంగ్రెస్ మాత్రమేనని, తమను ఆదరించి, ఓటు వేసి గెలిపించాలని అభ్యర్థించారు.
