కొల్లాపూర్(నాగర్ కర్నూల్), వెలుగు : ఎమ్మెల్సీ కూచుకుళ్ల దామోదర్రెడ్డి బీఆర్ఎస్ పార్టీ సభ్యత్వానికి రాజీనామా చేశారు. పీసీసీ చీఫ్ రేవంత్రెడ్డి ఆదేశిస్తే ఎమ్మెల్సీ పదవికి కూడా రిజైన్ చేస్తానని స్పష్టం చేశారు. రాజీనామా లెటర్ను ఫ్యాక్స్ ద్వారా సీఎం కేసీఆర్కు పంపించారు. గురువారం కొల్లాపూర్లో ఆయన మాట్లాడుతూ స్థానిక సమస్యల విషయంలో తనకు ఎదురవుతున్న ఇబ్బందులను కేసీఆర్ దృష్టికి తీసుకుపోవడానికి ప్రయత్నించానని
10 సార్లు ట్రై చేసినా సీఎం అపాయింట్మెంట్ దొరకలేదన్నారు. ఇదే విషయాన్ని పార్టీ వర్కింగ్ ప్రెసిడెంట్, మంత్రి కేటీఆర్ దృష్టికి తీసుకుపోయినా ఫలితం లేదన్నారు. కాంగ్రెస్ హయాంలో తాను ఎమ్మెల్సీగా ఉన్నప్పుడు అప్పటి సీఎం వైఎస్ను ఎన్నోసార్లు కలిశానన్నారు. కానీ ఇప్పుడా పరిస్థితి లేదన్నారు.
