వికారాబాద్, వెలుగు: గంజాయి అమ్ముతున్న ముగ్గురిని వికారాబాద్ జిల్లా మోమిన్ పేట పోలీసులు అరెస్ట్ చేశారు. శుక్రవారం సాయంత్రం 6 గంటలకు మోమిన్ పేట పరిధిలోని మొరంగపల్లి రైల్వే స్టేషన్ వద్ద గంజాయి అమ్ముతున్నట్లు సమాచారం అందుకున్న పోలీసులు అక్కడికి చేరుకున్నారు. గంజాయి అమ్ముతున్న వంశీ, వెంకట్, సాయికిరణ్ను అదుపులోకి తీసుకున్నారు. వారి నుంచి కిలో 534 గ్రాముల గంజాయిని స్వాధీనం చేసుకున్నారు. కేసు ఫైల్ చేసి దర్యాప్తు చేస్తున్నట్లు ఎస్సై విఠల్ రెడ్డి తెలిపారు.
