సర్కారు బడుల్లో టెన్త్ స్టూడెంట్స్కు ఉదయం, సాయంత్రం స్పెషల్ క్లాసులు
హైదరాబాద్, వెలుగు :రాష్ర్టంలోని సర్కారు బడుల్లో చదువుతున్న పదో తరగతి విద్యార్థులు ఆకలితో అలమటిస్తూ చదువుకుంటున్నారు. టెన్త్పాస్పర్సెంటేజీ పెంచేందుకు బడుల్లో నిర్వహిస్తున్నస్పెషల్క్లాసుల నేపథ్యంలో దాదాపు 12 గంటల పాటు స్కూల్లోనే గడుపుతున్నారు. ఉదయం టిఫిన్ చేయకుండా, సాయంత్రం ఏమీ తినకుండా మధ్యాహ్నం ఒక్కసారి మాత్రమే తెచ్చుకున్న బాక్స్ తింటుండడంతో ఖాళీ కడపులుతో క్లాసులు వింటున్నారు. అర్థాకలితో చెప్పింది అర్థం కాక…ఎప్పుడు ఇంటికి వెళతామా? ఎప్పుడు తింటామా అని ఆలోచిస్తున్నారు.
వంద శాతం టార్గెట్ కోసం ..
రాష్ర్టంలో అన్ని మేనేజ్మెంట్ల పరిధిలో మొత్తం 11వేలకు పైగా హైస్కూళ్లుండగా, సుమారు 5.5లక్షల మంది టెన్త్ స్టూడెంట్స్ఉన్నారు. సర్కారు, జిల్లా పరిషత్స్కూళ్లు 4,600 వరకూ ఉన్నాయి. ఇందులో 2లక్షల మందికి పైగా విద్యార్థులు ఎస్ఎస్సీ చదువుతున్నారు. గతేడాది టెన్త్లో ఏకంగా 92.43శాతం పాస్ పర్సెంటేజీ వచ్చింది. జిల్లా పరిషత్స్కూళ్లలో 91.26శాతం, గవర్నమెంట్స్కూళ్లలో 84.3శాతం స్టూడెంట్స్పాస్అయ్యారు. ఇప్పుడు ఈ పర్సెంటేజీని నిలుపుకోవడం అన్ని స్కూళ్లకు కష్టంగా మారింది. అన్ని సర్కారు బడుల్లోనూ వందశాతం పాస్ అయ్యేలా చూడాలని ఆఫీసర్ల నుంచి వస్తున్న ఆదేశాలతో హెడ్మాస్టర్లు, టీచర్లలో ఆందోళన మొదలైంది. దీంతో పాస్ పర్సెంటేజీ పెంచేందుకు స్పెషల్క్లాసులు మొదలుపెట్టారు. దాదాపు 12 గంటల పాటు కేవలం మధ్యాహ్న భోజనంపైనే ఆధారపడి చదువుతుండడంతో అనారోగ్య సమస్యలు తలెత్తుతున్నాయి. సర్కారు బడుల్లో చదివేదంతా పేద విద్యార్థులే కాబట్టి ఉదయం, సాయంత్రం టిఫిన్, స్నాక్స్ఏర్పాటు చేస్తే బాగుంటుందంటున్నారు.
స్పెషల్ ఫండ్స్, దాతల నుంచి..
రాష్ర్టంలో దాదాపు అన్ని స్కూళ్లల్లో దసరా సెలవుల వరకే టెన్త్ సెలబస్ పూర్తయ్యింది. సెలవుల తర్వాత స్పెషల్క్లాసులు మొదలుపెట్టారు. మార్చి19 నుంచి బోర్డు పరీక్షలు ప్రారంభం కానుండగా, ఫిబ్రవరిలో ప్రీఫైనల్నిర్వహిస్తారు. దీంతో స్కూళ్లలో ఉదయం 8 నుంచి 9 గంటల వరకు, సాయంత్రం 5 నుంచి 6 గంటల వరకూ టెన్త్ పిల్లలకు స్పెషల్క్లాసులు, టెస్టులు నిర్వహిస్తున్నారు. కొన్ని జిల్లాల్లో ఓ అరగంట అటూ ఇటూగా కొనసాగుతోంది. ఇంతవరకూ బాగానే ఉన్నా, ఉదయమే వచ్చి, రాత్రి వరకూ స్కూళ్లలోనే ఉంటున్న స్టూడెంట్స్తిండి గురించి మాత్రం పట్టించుకోవడం లేదు. గతేడాది కొన్ని జిల్లాల్లో కలెక్టర్లు స్పెషల్ఫండ్స్ద్వారా స్నాక్స్ ఏర్పాటు చేశారు. మరికొన్ని బడుల్లో దాతల ద్వారా అందిస్తున్నారు. కానీ ఈ విషయంలో ప్రభుత్వం మాత్రం పట్టించుకోవడం లేదని టీచర్లు అంటున్నారు.
పాస్ పర్సెంటేజీ పెంచడంపైనే అధికారుల దృష్టి
మా ఊరికి స్కూల్ పది కిలోమీటర్లుంటది సార్. రోజూ పొద్దుగాల 8 గంటలకే స్పెషల్ క్లాస్ఉంటది. ఇంట్ల నుంచి 7 గంటలకే బయలుదేరుతం. ఇంట్ల ఉంటే తింటం లేకపోతే అట్లనే వస్తం. సాయంత్రం 6 గంటల దాకా స్పెషల్ క్లాస్ నడుస్తది. ఒక్కోసారి లేట్ అయితది. ఇంటికి పోయే సరికి రాత్రి 7 లేదా 8 అవుతది. మధ్యాహ్నం తింటం. క్లాసులు చెప్తుంటే ఆకలయితా ఉంటది. ఇనబుద్ది కాదు. తప్పదు గదా సార్..సదువు లేకపోతే నడవదు కదా. పొద్దున, సాయంత్రం టిఫిన్ లెక్క ఏమైనా పెడితే బాగుంటది.
– హైదరాబాద్లోని బొల్లారంలో చదివే శామీర్పేట, తూంకుట ఎస్ఎస్సీ విద్యార్థుల ఆవేదన
