చైనా ఎలక్ట్రానిక్స్‌ కంపెనీ లెనోవో అనుబంధ సంస్థ మోటరోలా ఇండియా మార్కెట్లోకి గురువారం వన్ విజన్‌ స్మార్ట్ఫోన్‌‌ను విడుదల చేసింది. 48 మెగాపిక్సెల్‌ కెమెరా, సినిమా విజన్‌ డిస్‌‌ప్లే, హోల్‌‌పంచ్‌ డిజైన్‌, ఆండ్రాయిడ్‌ వన్ ఓఎస్‌, సినిమా విజన్‌ డిస్‌‌ప్లే దీని ప్రత్యేకతలు. 4జీబీ+128 జీబీ వెర్షన్‌ ధర రూ.20 వేలు. ఈ నెల 27 నుంచి అమ్మకాలు మొదలవుతాయి. ఇందులో 6.3 ఇంచ్ల డిస్‌‌ప్లే, ఎగ్జినోస్ 9609 ఆక్టాకోర్‌ ప్రాసెస‌‌ర్‌, 48+5 ఎంపీ డ్యూయల్్‌ కెమెరా, 25 ఎంపీ సెల్ఫీ కెమెరా, 3500 ఎంఏహెచ్ బ్యాట‌‌రీ, ఫాస్ట్‌ చార్జింగ్‌ వంటి అదనపు ఫీచర్లు ఉన్నాయి.
