- ఒప్పించడానికి బీఆర్ఎస్ కార్యకర్తలు ధర్నాకు దిగాలె
- మీడియాతో చిట్చాట్లోఎంపీ అర్వింద్
నిజామాబాద్, వెలుగు: లోక్సభ ఎన్నికల్లో ఎమ్మెల్సీ కవిత పోటీ చేసేలా హైకమాండ్‌ను బీఆర్ఎస్ కార్యకర్తలు ఒప్పించాలని, అవసరమైతే ధర్నాకు దిగాలని నిజామాబాద్ ఎంపీ అర్వింద్ సూచించారు. ఆమెను అలా వదిలేస్తే ఎట్లా అని, గులాబీ లీడర్లు వదిలేయడంతో తమ కార్పొరేటర్లు ఘర్వాపస్ అవుతున్నారని సెటైర్ వేశారు.
మంగళవారం సిటీలోని పార్టీ జిల్లా ఆఫీస్లో మీడియాతో చిట్‌చాట్‌ లో పాల్గొన్నారు. ఈ సందర్భంగా ఆయన మాట్లాడుతూ బీఆర్ఎస్ నుంచి ఇప్పటికి ఆరుగురు కార్పొరేటర్లు బీజేపీలోకి వచ్చారన్నారు. కేసీఆర్ను మరిచిపోయారా.. అని మీడియా ప్రతినిధులు ప్రశ్నించాగా కవిత పోటీకి వస్తాదా? లేదా? మొదట చెప్పాలని ఎదురు ప్రశ్నించారు. రాష్ట్రంలో కొత్తగా ఏర్పడిన కాంగ్రెస్ ప్రభుత్వంపై స్పందించేందుకు ఇంకా టైం ఉందన్నారు. లోక్సభ ఎన్నికల్లో అధిక సీట్లు గెలిచేది బీజేపీనేనని కాంగ్రెస్ సెకెండ్, బీఆర్ఎస్ మూడో స్థానంలో ఉంటాయన్నారు. ఇందూరు పార్లమెంట్ స్థానంలో తాము గట్టిగా పనిచేస్తే కాంగ్రెస్కు కష్టమేనన్నారు. ఆర్మూర్ ఎమ్మెల్యే రాకేశ్‌రెడ్డికి వార్నింగ్ కాల్స్ ఎక్కువయ్యాయని అర్వింద్ అన్నారు.
ఆయనకు ఇప్పుడు కల్పిస్తున్న సెక్యూరిటీ మరింత పెంచమని సీపీని కోరతామన్నారు. మైనారిటీ ఏరియాల్లో అర్బన్ ఎమ్మెల్యే ధన్పాల్ సూర్యనారాయణ పర్యటనకు రిస్క్ ఉందన్నారు. తనకు రాష్ట్ర ఎస్కార్టు, భద్రత అవసరంలేదని కేంద్ర హోంమంత్రి అమిత్షా కల్పించిన సెక్యూరిటీ చాలన్నారు. గతంలో బీజేపీ నుంచి గెలిచి బీఆర్ఎస్లోకి వెళ్లిన కార్పొరేటర్లు లత, బట్టు రాఘవేందర్ ఎంపీ అర్వింద్ సమక్షంలో మంగళవారం తిరిగి కాషాయ కండువా ధరించారు. సుమారు 1400 మంది భక్తులతో అయోధ్యకు వెళ్తున్న స్పెషల్ ట్రైన్ను ఎంపీ జెండా ఊపి ప్రారంభించారు. కార్యక్రమంలో అర్బన్ ఎమ్మెల్యే ధన్పాల్ సూర్యనారాయణ, బీజేపీ జిల్లా అధ్యక్షుడు దినేష్కులాచారి, ఫ్లోర్లీడర్ స్రవంతిరెడ్డి, పోతన్కర్ లక్ష్మీనారాయణ తదితరులు పాల్గొన్నారు.
