నిజామాబాద్: సీఎం రేవంత్రెడ్డి తనకు మంచి మిత్రుడని బీజేపీ ఎంపీ అర్వింద్ అన్నారు. ఇవాళ నిజామాబాద్లోని మార్కెట్యార్డును సందర్శించి పసుపు రైతులతో మాట్లాడారు. ఇవాళ పసుపు చిన్న లాట్కు రూ. 17,011 ధర రావడంతో రైతులు సంతోషం వ్యక్తం చేస్తున్నారన్నారు. నిజామాబాలో పసుపు ధరలు రికార్డ్స్ బ్రేక్ చేస్తున్నాయన్నారు. రైతుల కోరిక మేరకు పసుపు బోర్డును పీఎం మోదీ ఏర్పాటు చేశారన్నారు. రాబోయే రోజుల్లో పసుపు ఎగుమతులు పెంచుతామన్నారు. పసుపు బోర్డుకు ప్రధాని మోదీ పెద్ద టార్గట్విధించార, ప్రస్తుతం ఉన్న ఎగుమతులను 400 శాతం పెంచాలని సూచించారన్నారు.
ఇప్పుడు రూ.1600 కోట్ల పంట ఎగుమతులు అవుతున్నాయని, 2030 వరకు రూ. 6400 కోట్లకు పెంచాలని మోదీ టార్గెట్ పెట్టారన్నారు. దానికి తగ్గట్టుగానే బోర్డు పనిచేస్తదని, అందుకనుగుణంగా ఇక్కడ అభివృద్ధి జరుగుతుందన్నారు. పసుపు సంబంధ పరిశ్రమల ఏర్పాటుకు రాష్ట్ర ప్రభుత్వం కూడా సహకరించాలని కోరారు. కొత్తగా వచ్చే ఇండస్ట్రీస్ను రాష్ట్ర ప్రభుత్వం ప్రోత్సహించాలన్నారు. గుజరాత్ మాదిరిగా తెలంగాణ అభివృద్ధి చెందాలంటూ రేవంత్ కోరుకోవడంలో తప్పులేదని, కానీ దానికి తగ్గట్టుగా మౌలిక వసతులు కల్పించాలని సూచించారు. వేల్పూరులో ఉన్న 42 ఎకరాల భూమిని వెంటనే పసుపు బోర్డుకు అప్పగించాలని కోరారు.
