- కేంద్రంలో మరోసారి వచ్చేది మోదీ ప్రభుత్వమే
- హిమాయత్నగర్లో కేంద్ర మంత్రి కిషన్ రెడ్డి ప్రచారం
బషీర్ బాగ్, వెలుగు: తెలంగాణలో బీఆర్ఎస్ పార్టీ కనుమరుగైందని, లోక్సభ ఎన్నికల్లో ఒక్క సీటు కూడా గెలవదని కేంద్ర మంత్రి, సికింద్రాబాద్బీజేపీ ఎంపీ అభ్యర్థి కిషన్రెడ్డి విమర్శించారు. బీఆర్ఎస్కు ఓటు వేస్తే వృథా అవుతుందని, ఆ పార్టీ అభ్యర్థులకు డిపాజిట్లు కూడా రావని ఎద్దేవా చేశారు. సోమవారం ‘ఇంటింటికీ బీజేపీ’ పేరిట హిమాయత్ నగర్ పరిధిలోని ముత్యాలబాగ్లో కిషన్ రెడ్డి ఎన్నికల ప్రచారం నిర్వహించారు.
ప్రజలను కలుస్తూ బీజేపీకి ఓటు వేయాలని కోరారు. దేశ ప్రజలు మరోసారి మోదీ ప్రభుత్వానికి పట్టం కట్టాలని చూస్తున్నారని చెప్పారు. ఇండియా కూటమిని నడిపించే దిక్కు లేదని, కేంద్రంలో కాంగ్రెస్పార్టీ గెలిచేది లేదు.. చచ్చేది లేదంటూ తీవ్ర స్థాయిలో విమర్శించారు. దేశ వ్యాప్తంగా కాంగ్రెస్కు 40 ఎంపీ సీట్లకు మించి రావన్నారు. బీజేపీ 400కు పైగా సీట్లు గెలుస్తుందని కిషన్ రెడ్డి ధీమా వ్యక్తం చేశారు. ప్రచారంలో బీజేపీ రాష్ట్ర ఉపాధ్యక్షుడు చింతల రామచంద్రారెడ్డి, సీనియర్ నాయకులు ప్రేమ్ సింగ్ రాథోడ్ , గౌతమ్ రావు, ఎన్వీ సుభాశ్, వీరెల్లి చంద్రశేఖర్, నర్సింగ్ ముదిరాజ్, కేశబోయిన శ్రీధర్, జ్యోతి రెడ్డి తదితరులు పాల్గొన్నారు.
పద్మారావునగర్: సోమవారం రాత్రి బన్సీలాల్ పేట సీసీనగర్, పద్మారావునగర్కిషన్రెడ్డి జీప్యాత్ర నిర్వహించారు. ఆయన వెంట మాజీ మంత్రి మర్రి శశిధర్ రెడ్డి, ఎమ్మార్పీఎస్వ్యవస్థాపక అద్యక్షులు మందకృష్ణ మాదిగ, బీజేపీ నేతలు శ్యాంసుందర్ గౌడ్, టి.రాజశేఖర్ రెడ్డి, ఆనంద్ యాదవ్, హరినాథ్ పాల్గొన్నారు.
