న్యూఢిల్లీ: పార్లమెంట్లో పంజాబ్ సమస్యలను లేవనెత్తలేదన్న సొంత పార్టీ నేతల విమర్శలకు ఆమ్ ఆద్మీ పార్టీ ఎంపీ రాఘవ్ చద్దా గట్టిగా బదులిచ్చారు. తాను పంజాబ్లోని అనేక సమ్యల గురించి రాజ్యసభలో మాట్లాడిన వీడియోలను ఆదివారం ఎక్స్లో షేర్ చేశారు.
నాన్కానా సాహిబ్ కారిడార్ కోసం, కనీస మద్దతు ధరకు చట్టపరమైన హామీ, భగత్ సింగ్కు భారతరత్న ఇవ్వాలని, మహారాజా రంజిత్ సింగ్ రాజసింహాసనం తిరిగి ఇవ్వాలి వంటి పంజాబ్కు సంబంధించిన మరెన్నో ముఖ్యమైన అంశాలను చద్దా లేవనెత్తిన అంశాలు ఆ వీడియో ఉన్నాయి. ఈ వీడియోను ఉద్దేశిస్తూ చద్దా ఓ మెస్సేజ్ను పోస్ట్ చేశారు. ‘‘ఇది ట్రైలర్ మాత్రమే, అసలు సినిమా ముందుంది. నాకు పంజాబ్ అంటే చర్చనీయాంశం మాత్రమే కాదు. అది నా ఇల్లు. నా ఆత్మ’’ అని అన్నారు.
