భారత లెజెండరీ క్రికెటర్ ఎంఎస్ ధోనీకి ప్రపంచవ్యాప్తంగా ఫ్యాన్స్ ఉన్నారన్న విషయం తెలిసిందే. అన్ని తరాల వారు ఆయనకు అభిమానులుగా ఉన్నారంటే అతిశయోక్తి కాదు. తాజాగా ఆ అభిమానాన్ని, ప్రేమను ఏ ఫ్యాన్ వెరైటీగా చాటుకున్నారు. ధోనికి చెన్నైలోని చెపాక్ స్టేడియం మినియేచర్ మోడల్‌ను బహుమతిగా ఇచ్చారు. అభిమాని ఇచ్చి గిఫ్ట్ కు ఫిదా అయిన ధోని.. ఆనందంతో మెచ్చుకున్నారు. దీనికి సంబంధించిన ఓ వీడియో కూడా ప్రస్తుతం సోషల్ మీడియాలో హల్ చల్ చేస్తోంది.
ఈ వీడియోలో ధోని చిరునవ్వులు చిందిస్తూ మినిమేచర్ మోడల్ పైనుంచి తన దృష్టిని మరల్చుకోలేకపోయారు. ఈ స్టేడియంలో లైట్లు కూడా వెలగడం చూసి ధోని ఆశ్చర్యంతో ఆనందం వ్యక్తం చేశారు. తనకు ఇంతకుమునుపెవరూ ఇలాంటి బహుమతులు ఇవ్వలేదన్న తరహాలో ఆయన పండించిన ఎక్స్ ప్రెషన్స్ ప్రస్తుతం వైరల్ గా మారాయి. ఈ వీడియోపై నెటిజన్లు కూడా ఆనందం వ్యక్తం చేస్తున్నారు. ధోని ఆనందాన్ని చూసిన ఫ్యాన్స్.. అతని చిరునవ్వుకు పడిపోతున్నారు. బ్యూటిఫుల్ అంటూ కామెంట్లు పెడుతున్నారు.
