హైదరాబాద్‌, వెలుగు: గుండె సమస్యలు (కరోనరీ ఇంటర్‌‌వెన్షన్‌) రోగుల కోసం హైదరాబాద్‌ ఫార్మా కంపెనీ ఎంఎస్‌‌ఎన్‌ లాబొరేటరీస్ కేన్‌‌రియల్‌ (కాంగ్రెలార్‌) పేరుతో డ్రగ్‌ విడుదల చేసింది. ఇది ఇంట్రావీనస్‌ ఇంజెక్షన్. రోగుల్లో యాంటీ ప్లేట్లెట్ కార్యకలాపాలను తగ్గించడానికి ఉపయోగపడుతుంది. ప్రొలాంగ్‌‌డ్‌ యాంటీ ప్లేట్లెట్ రోగులకూ దీనిని వాడుతారు. ఈ రివర్సిబుల్ యాంటిప్లేట్‌‌లెట్ ఏజెంట్ డ్రగ్‌‌ను డీజీసీఐ ఆమోదించింది. రిపీట్ కరోనరీ రివాస్కులరైజేషన్, స్టెంట్ థ్రోంబోసిస్ ప్రమాదాన్ని తగ్గించడానికి దీనిని వాడతారు. ఇప్పటి వరకు పీ2వీ12 ఇన్‌‌హిబటర్‌ ఉపయోగించని వారికి మాత్రమే కేన్‌‌రియల్‌‌ను ఇవ్వాలి. ఇది అన్ని రిటైల్/హాస్పిటల్ అటాచ్డ్ ఫార్మాస్యూటికల్ అవుట్‌‌లెట్లలో లభిస్తుంది. కార్డియాలజిస్ట్ ప్రిస్క్రిప్షన్‌ ఉంటేనే రోగులు దీనిని వాడాలి.
