జనగామ, వెలుగు: బీఆర్ఎస్ చచ్చిపోయిన పార్టీ అని, కేసీఆర్ చచ్చిన పాముతో సమానమని కాంగ్రెస్ భువనగిరి ఎంపీ ఎన్నికల ఇన్చార్జి, మునుగోడు ఎమ్మెల్యే కోమటిరెడ్డి రాజగోపాల్ రెడ్డి అన్నారు. డీసీసీ ప్రెసిడెంట్కొమ్మూరి ప్రతాప్ రెడ్డి ఆధ్వర్యంలో శుక్రవారం రాత్రి భువనగిరి ఎంపీ అభ్యర్థి చామల కిరణ్ కుమార్ రెడ్డిని గెలిపించాలని నర్మెటలో రోడ్ షో నిర్వహించి మాట్లాడారు. కాంగ్రెస్ జనం గుండెల్లో ఉందని, బీఆర్ఎస్ గురించి ఎంత తక్కువ మాట్లాడుకుంటే అంత మంచిదన్నారు. జనగామలో అధికార దుర్వినియోగంతో పల్లా రాజేశ్వర్రెడ్డి ఎమ్మెల్యేగా ఎన్నికయ్యారని, నైతిక విజయం మాత్రం కొమ్మూరి ప్రతాప్ రెడ్డిదేనన్నారు. భువనగిరి ఎంపీగా తనను, తన అన్న వెంకట్ రెడ్డిని గెలిపించారని, ఇప్పుడు తమ్ముడు చామల కిరణ్కుమార్రెడ్డిని భారీ మెజారిటీతో గెలిపించాలని కోరారు. మాజీ ఎమ్మెల్సీ నాగపురి రాజలింగం, కొమ్మూరి ప్రశాంత్ రెడ్డి, రాకేశ్రెడ్డి
పాల్గొన్నారు.
