రాష్ట్రంలో 20 లక్షల ఎకరాల్లో ఆయిల్​ పామ్​ సాగు

రాష్ట్రంలో 20 లక్షల ఎకరాల్లో ఆయిల్​ పామ్​ సాగు

అన్నపురెడ్డిపల్లి, వెలుగు: రాష్ట్ర వ్యాప్తంగా మూడేండ్లలో 20 లక్షల ఎకరాల్లో ఆయిల్​పామ్ సాగు విస్తరణే లక్ష్యంగా పని చేస్తున్నట్లు హార్టికల్చర్​ డిప్యూటీ డైరెక్టర్​ ఎంవీ మధుసూధన్ తెలిపారు. గురువారం మండలంలోని  బుచ్చన్నగూడెం గ్రామంలో కాళంగి గురవయ్యకు చెందిన ఆయిల్​పామ్​ తోటను పరిశీలించారు. ఈ ఏడాది భద్రాద్రికొత్తగూడెం జిల్లాలో అన్నపురెడ్డిపల్లి మండలంలోనే మెదట  ప్లాంటేషన్  చేపట్టినట్లు చెప్పారు. అనంతరం అన్నపురెడ్డిపల్లి రైతు వేధిక భవనంలో రైతులకు అవగాహన, అధికారులతో సమీక్షకార్యక్రమాన్ని నిర్వహించారు.రైతులంతా ఆయిల్​పామ్​ సాగుపై దృష్టి సారించాలని సూచించారు. ఆయిల్ పామ్ సాగుతో ఆర్థికంగా అభివృద్ధి చెందవచ్చని అన్నారు. జిల్లా ఉద్యానశాఖ అధికారి మరియన్న తదితరులు ఉన్నారు.