హైదరాబాద్, వెలుగు: రియల్ ఎస్టేట్ కంపెనీ అన్విత గ్రూప్ బ్రాండ్ అంబాసిడర్గా నటుడు నందమూరి బాలకృష్ణ నియమితులయ్యారు. ఈ సందర్భంగా సంస్థ రూపొందించిన బ్రాండ్ ఫిల్మ్స్ను సీఎండీ అచ్యుతరావు హైదరాబాద్లో శుక్రవారం విడుదల చేశారు. గత రెండు దశాబ్దాలుగా దుబాయ్, అమెరికా దేశాలలో నిర్మాణ రంగంలో ఉన్న ఈ సంస్థ ప్రస్తుతం హైదరాబాద్లో 80 లక్షల చదరపు అడుగుల మేర ప్రాజెక్టులు చేపడుతోంది.
విజయవాడ బెంజ్ సర్కిల్ సమీపంలో అత్యంత ఎత్తైన భవనాలను నిర్మించనున్నట్లు సంస్థ ప్రకటించింది. హైదరాబాద్ కొల్లూరులోని అన్విత ఇవానా ప్రాజెక్ట్ తొలి దశలో 400 యూనిట్లను సిద్ధం చేసింది. ఏటా 1,000 ఇళ్లను వినియోగదారులకు అందించడమే లక్ష్యంగా పెట్టుకుంది. బాలకృష్ణ వ్యక్తిత్వం తమ సంస్థ విలువలకు సరిపోతుందని అచ్యుతరావు పేర్కొన్నారు.
