మెగా పవర్ స్టార్ రామ్ చరణ్(Ram Charan) ప్రస్తుతం స్టార్ డైరెక్టర్ శంకర్(Shankar) తో గేమ్ ఛేంజర్(Game Changer) సినిమా చేస్తున్న విషయం తెలిసిందే. పాన్ ఇండియా లెవల్లో తెరకెక్కుతున్న ఈ పొలిటికల్ డ్రామా సినిమా కోసం మెగా ఫ్యాన్స్ తోపాటు నార్మల్ ఆడియన్స్ కూడా ఈగర్ గా వెయిట్ చేస్తున్నారు. ఇప్పటికే రిలీజైన టీజర్ సినిమాపై అంచనాలను మరింత పెంచేసింది. దాదాపు 80% షూటింగ్ కంప్లీట్ చేసుకున్న ఈ సినిమా వచ్చే ఏడాది ప్రేక్షకుల ముందుకు రానుంది.
ఈ సినిమా తరువాత రామ్ చరణ్ ఉప్పెన ఫేమ్ బుచ్చిబాబు సనా తో ఈ సినిమా చేయడానికి గ్రీన్ సిగ్నల్ ఇచ్చేశారు. మైత్రి మూవీ మేకర్స్ భారీ బడ్జెట్ తో తెరకెక్కిస్తున్న ఈ సినిమాకు ఆస్కార్ విజేత ఏఆర్ రహమాన్ సంగీతం అందిస్తున్నారు. రూరల్ బ్యాక్డ్రాప్ లో వస్తున్న ఈ స్పోర్ట్స్ డ్రామా సినిమాపై కూడా అంచనాలు భారీగా ఉన్నాయి. త్వరలో షూటింగ్ మొదలుకానున్న ఈ సినిమా నుండి తాజాగా వినిపిస్తున్న న్యూస్ ఒకటి సోషల్ మీడియాలో వైరల్ గా మారింది. అదేంటంటే.. ఈ సినిమాలో హీరోయిన్ గా నేచురల్ బ్యూటీ సాయి పల్లవిని ఫిక్స్ చేశారట మేకర్స్. త్వరలోనే ఈ న్యూస్ పై అధికారిక ప్రకటన రానుంది. దీంతో ప్రస్తుతం ఈ న్యూస్ ఇండస్ట్రీ వర్గాల్లో హల్ చల్ చేస్తోంది.
ఇక ఈ న్యూస్ తెలుసుకున్న మెగా ఫ్యాన్స్ కూడా ఫుల్ ఖుషీ అవుతున్నారు. ఇది కదా కాంబో అంటే అంటూ కామెంట్స్ చేస్తున్నారు. నిజానికి సాయి పల్లవి అంత ఈజీగా ఒక సినిమాకు ఓకే చెప్పరు. ఆమె ఒక సినిమాను ఓకె చేశారంటే ఆ సినిమాలో మినిమమ్ కంటెంట్ ఉంటుందని అర్థం. అంతేకాదు.. సాయి పల్లవి సూపర్ నేచురల్ యాక్టర్. మరోపక్క రామ్ చరణ్ కూడా రంగస్థలం, ఆర్ఆర్ఆర్ సినిమాల్లో తన అద్భుతమైన నటనతో ఆడియన్స్ ను కట్టిపడేశారు. కాబట్టి.. ఈ ఇద్దరు సూపర్ నేచురల్ యాక్టర్స్ కాంబోలో వస్తున్న ఈ సినిమా ఖచ్చితంగా సంచనాలు క్రియేట్ చేయడం ఖాయమనే చెప్పాలి. మరి నిజంగా రామ్ చరణ్ సినిమాలో సాయి పల్లవి ఒకే అయ్యారా? లేదా? అనేది తెలియాలంటే అధికారిక ప్రకటన వచ్చే వరకు ఆగాల్సిందే.
