తెలుగు టాలెంటెడ్ యాక్టర్ నవీన్ చంద్ర నటించిన రీసెంట్ మూవీ ‘షో టైమ్’ (SHOW TIME). ఇందులో పొలిమేర ఫేమ్ కామాక్షి భాస్కర్ల, నరేష్, రాజా రవీంద్ర ముఖ్య పాత్రలు పోషించారు. జులై 4న థియేటర్లలో రిలీజైన ఈ మూవీ మిక్స్‌డ్ టాక్ తెచ్చుకుంది. ఈ క్రమంలోనే షో టైమ్ రిలీజైన 20 రోజుల్లోనే ఓటీటీకి ఎంట్రీ ఇవ్వడానికి సిద్ధమైంది.
శుక్రవారం జులై 25 నుంచి షో టైమ్ మూవీ సన్ నెక్ట్స్లో స్ట్రీమింగ్కి రానుంది. ఈ విషయాన్నీ సదరు ఓటీటీ సంస్థ Xలో వెల్లడించింది. “ప్రశాంతంగా ఉండే ఓ ఇల్లు ఓ డెడ్లీ మిస్టరీకి కేంద్రంగా మారితే.. షో టైమ్ జులై 25 నుంచి సన్ నెక్ట్స్ లో స్ట్రీమింగ్ అవుతుంది” అనే క్యాప్షన్ తో పోస్టర్ రిలీజ్ చేసింది.
When a quiet home becomes the center of a deadly mystery...🏚️ Show Time starts streaming July 25 on SunNXT!#ShowTime #SunNXT #TeluguMovies #CrimeThriller #MurderMystery #NewRelease #SuspenseDrama #NaveenChandra #KamakshiBhaskarla #RajaRavindra #VKNaresh #WatchItOnSunNXT… pic.twitter.com/kcNw327hFi
— SUN NXT (@sunnxt) July 19, 2025
ఓ హత్య ఇద్దరి భార్య భర్తల జీవితాలను ఎలా మార్చేసిందనదే కథాంశంతో డైరెక్టర్ మదన్ దక్షిణామూర్తి తెరకెక్కించారు. ఈ క్రైమ్ నుంచి వాళ్లు తప్పించుకుంటారా లేదా అన్నదే షో టైమ్ మూవీ స్టోరీ. క్రైమ్ థ్రిల్లర్ జోనర్లో తెరకెక్కిన ఈ మూవీ ఉత్కంఠరేపే సీన్స్తో సాగింది. అయితే, కథలో కొత్తదనం లేకపోవడంతో ఆశించిన స్థాయిలో ఆకట్టుకోలేకపోయింది. ముఖ్యంగా స్క్రీన్‌ప్లే విషయంలో దెబ్బ తీసిందంటూ నెటిజన్ల నుంచి రివ్యూలు అందుకుంది.
నిర్మాత అనిల్ సుంకర సమర్పించిన ఈ మూవీని స్కైలైన్ మూవీస్ బ్యానర్ పై కిషోర్ గరికిపాటి షో టైమ్ చిత్రాన్ని నిర్మించారు. శేఖర్ చంద్ర సంగీతం అందించారు. ఎడిటర్ గా శరత్ కుమార్, టి వినోద్ రాజా సినిమాటోగ్రఫీ బాధ్యతలు నిర్వహించారు.
