ఆగస్టు 16 నుంచి ఆంధ్రా ప్రీమియర్‌ లీగ్‌.. రాజధాని ఏదంటూ సెటైర్లు

ఆంధ్రా ప్రీమియర్‌ లీగ్‌ మూడో సీజన్ కు సర్వం సిద్ధమైంది. ఆగష్టు 16 నుంచి 27 వరకు ఈ టోర్నీ జరగనుంది. మొత్తం ఆరు జట్లు టైటిల్ కోసం పోటీ పడనుండగా.. మ్యాచ్‌లన్నీ విశాఖపట్నంలోని డాక్టర్‌ వైఎస్సార్‌ ఏసీఏ-వీడీసీఏ మైదానంలో జరగనున్నాయి.

ఈ టోర్నీకి సంబంధించిన వేలం కూడా ఎంతో అట్టహాసంగా జరిగింది. వేలంలో టీమిండియా బ్యాటర్ హనుమ విహారి అత్యధికంగా రూ.6.6 లక్షల ధర పలికిన ఆటగాడిగా నిలిచాడు. రాయలసీమ కింగ్స్ అతన్ని సొంతం చేసుకుంది. అలాగే గోదావరి ఆటగాడు ఎం ధీరజ్ కుమార్ (రూ.5.2 లక్షలు), ఉత్తరాంధ్ర క్రికెటర్ యర్రా పృథ్వీ రాజ్ (రూ.5 లక్షలు), వైజాగ్ సెన్సేషన్ అశ్విన్ హెబ్బార్ (రూ.5 లక్షలు)లు ఐదు లక్షల మార్కును దాటారు.

రాజధాని ఏదంటూ సెటైర్లు

సెటైర్లు వేయటానికి అభిమానులు ఈ లీగ్‌ను కూడా వాడేసుకుంటున్నారు. రాజధాని లేని రాష్ట్రంలో క్రికెట్ ఏంటంటూ నెట్టింట జోకులు పేల్చుతున్నారు. వీరి మాటల్లోనూ వాస్తవం లేకపోవదు. పొరపాటున విద్యార్థుల ప్రశ్నాపత్రంలో ఆంధ్రప్రదేశ్ రాజధాని ఏదన్న ప్రశ్న ఎదురైతే.. ఏమీ రాయాలో తెలియని పరిస్థితి.