ఆండ్రాయిడ్, ఐఓఎస్.. ఫోన్ ఏదైనా సరే సోషల్మీడియా యాప్స్లో వాట్సాప్ వాడేవాళ్ల సంఖ్య ఎక్కువ. అందుకని యూజర్ల కోసం ఎప్పటికప్పుడు అప్డేట్స్ అందిస్తుంటుంది వాట్సాప్. త్వరలోనే వాట్సాప్లో స్క్రీన్షాట్ బ్లాకింగ్ ఫీచర్ రానుంది. యూట్యూబ్లో వీడియోల్ని హై రెజల్యూషన్లో చూడాలంటే సబ్స్క్రిప్షన్ ఉండాల్సిందే. అంతేకాదు 20 వేలలోపు కూడా మంచి కంపెనీ 5జీ ఫోన్లు దొరుకుతున్నాయి. ఇవి ఈవారం టెక్నాలజీ అప్డేట్స్లో కొన్ని. వీటి గురించి మరింత తెలుసుకోవాలి అనుకుంటున్నారా! అయితే ఇది చదవండి..
వాట్సాప్లో ఎవరిదైనా స్టేటస్ నచ్చిందంటే వెంటనే స్క్రీన్షాట్ తీసుకుంటారు కొందరు. అట్లనే అవతలివాళ్లు పంపిన ఫొటోలు, టెక్స్ట్ మెసేజ్లు బాగుంటే చాలు స్క్రీన్షాట్ తీసి స్టేటస్గా పెట్టుకుంటారు. పోయిన ఏడాది ఒకసారి మాత్రమే చూడ్డానికి వీలుండే ‘వ్యూ వన్స్’ ఫీచర్ తెచ్చింది వాట్సాప్. ఈ మెసేజ్లు, ఫొటోలు, వీడియోలు అవతలివాళ్లు చూసిన వెంటనే ఆటోమెటిక్గా డిలీట్ అవుతాయి. కానీ, వాటిని స్క్రీన్షాట్ తీసుకునే అవకాశం ఉండేది. దాంతో ఈ సమస్యకు పరిష్కారంగా త్వరలోనే ‘స్క్రీన్షాట్ బ్లాకింగ్’ ఫీచర్ తేనుంది వాట్సాప్. ఈ ఫీచర్ వస్తే.... ‘వ్యూ వన్స్’ ఫొటోలు, మెసేజ్లని స్క్రీన్ షాట్ తీయడం కుదరదు. వీడియోల్ని స్క్రీన్ రికార్డ్ చేయడం సాధ్యంకాదు. ఒకవేళ వాటిని స్క్రీన్షాట్ తీయాలని ప్రయత్నిస్తే బ్లాక్ అయినట్టు చూపిస్తుంది. ఈ ఫీచర్ని వాట్సాప్ బీటా 2.22.21.71 వెర్షన్లో టెస్ట్ చేస్తున్నారు.
పోల్ ఆప్షన్
వాట్సాప్లో ఫ్యామిలీ, ఫ్రెండ్స్, కొలీగ్స్.. ఇలా చాలా గ్రూప్లు ఉంటాయి. వాటిలో ఏదో ఒక విషయం గురించి చర్చ నడుస్తూనే ఉంటుంది. గ్రూప్లో పెట్టిన ఒక విషయం ఎంతమందికి నచ్చింది? ఎక్కువమంది అభిప్రాయం ఏంటి? అనేది తెలుసుకోవడం ఇకపై చాలా ఈజీ. త్వరలోనే ‘పోల్ ఆప్షన్’ అనే ఫీచర్ తీసుకురానుంది వాట్సాప్. ఇది ట్విట్టర్లో ఉన్న ‘పోల్ ఆప్షన్’ ఫీచర్లాంటిదే. దీంతో ఏ విషయం మీద అయినా ఓటింగ్ పెట్టొచ్చు. వచ్చిన ఓట్లను బట్టి ఏది బెస్ట్ అనేది తేల్చడం సులువు అవుతుంది. ఈ ఫీచర్లో... స్క్రీన్మీద క్రియేట్ పోల్ ఆప్షన్ కనిపిస్తుంది. ఇందులో12 ఆప్షన్లు ఉంటాయి. గ్రూప్లోని వాళ్లు ఈ ఆప్షన్లని పైకి, కిందకు జరపొచ్చు.