ఎప్పటికప్పుడు కొత్త ఫీచర్లతో ఆకట్టుకొనే వాట్సాప్ ఈ సారి కూడా వెనక్కి తగ్గలేదు. వాట్సాప్ స్టిక్కర్లు, సెక్యూరిటీ ఫీచర్లను అప్డేట్ చేసింది. వాయిస్ నోట్స్ కోసం మెరుగైన ఫీచర్లను తీసుకురానుంది. వాట్సాప్ వాయిస్ మెసేజ్ నోట్స్ను కంట్రోల్ చేయడానికి వీలైన ఫీచర్ టెస్టింగ్ దశలో ఉంది. దీని ద్వారా యూజర్లు ఆడియో మెసేజ్ను ప్లే చేసేటప్పుడు స్పీడ్ను కంట్రోల్ చేయొచ్చు. అలాగే వాయిస్ నోట్ను ఫార్వార్డ్ చేసినప్పుడు విని పంపేందుకు సాధ్యం కాదు. కానీ త్వరలోనే వాయిస్ నోట్ ను విని పంపే ఫీచర్ రానుంది. అలాగే ఇబ్బందికరమైన మెసేజ్లను రిపోర్ట్ చేయడం, నెంబర్లను బ్లాక్ చేసేటప్పుడు రిపోర్ట్ చేయడం కోసం ఫీచర్ను అప్డేట్ చేసింది.
వాట్సాప్లోనే స్టిక్కర్స్
ఇప్పటి వరకు వాట్సాప్ స్టిక్కర్స్ను ఇతర యాప్లు వాడి తయారు చేయాల్సి వచ్చేది. వాటిని స్టిక్కర్ ఫీచర్ ద్వారా పంపుకోవాల్సి వచ్చేది. కానీ, ఇప్పుడు ఇన్స్టంట్గా స్టిక్కర్స్ తయారు చేసుకోవచ్చు. డైరెక్ట్ వాట్సాప్లోనే ఈ ఫీచర్ యాడ్ అయింది. వాట్సాప్ అటాచ్మెంట్ టూల్లో ఈ ఫీచర్ కనిపిస్తుంది. అక్కడ స్టిక్కర్ అనే ఆప్షన్ నొక్కాలి. దాన్ని ప్రెస్ చేసి, ఏ బొమ్మను అయితే స్టిక్కర్గా మార్చాలనుకుంటున్నారో దాన్ని సెలెక్ట్ చేసుకోవాలి. అది వాట్సాప్లోకి వస్తుంది. ఈ ఇమేజ్ను క్రాప్, ఎడిట్, కట్, పెయింట్ టూల్స్ ద్వారా వాట్సాప్లోనే ఎడిట్ చేసుకోవచ్చు. కావాల్సిన స్టిక్కర్ రెడీ అయ్యాక.. సెండ్ బటన్ నొక్కడమే.
ట్రూ కాలర్
ట్రూ కాలర్ యాప్ తెలియని వారుండరు. స్ట్రేంజ్ నెంబర్లను చెక్ చేయడానికి ఈ యాప్ను వాడుతుంటారు. అయితే దీంట్లో ఫ్రీ, ప్రీమియం ఫెసిలిటీస్ ఉండేవి. ఇప్పటివరకూ ప్రీమియం యూజర్లకు మాత్రమే అవైలబుల్గా ఉన్న ఫీచర్లు ఇప్పుడు ఉచితంగా అందుబాటులోకి వచ్చాయి. వాటితో పాటు కొన్ని కొత్త ఫీచర్లను కూడా ట్రూకాలర్ యాడ్ చేసింది.
కాలర్ వీడియో
ఇంతకు ముందు వరకు యూజర్ పేరు, ఈ–మెయిల్ అడ్రస్ మాత్రమే రికార్డ్ చేసేది ట్రూ కాలర్. కానీ ఇప్పుడు యూజర్ తన వీడియోను కూడా ముందే రికార్డ్ చేసుకోవచ్చు. అంటే ఎవరికైనా ఫోన్ చేసినప్పుడు పేరుతో పాటు వీడియో కూడా అవతలి వాళ్లకు కనిపిస్తుందన్నమాట. అందుకోసం యూజర్ తన వీడియోను ముందే రికార్డు చేసుకోవచ్చు.
అనౌన్స్
కాల్ అనౌన్స్ అనే ఫీచర్ ద్వారా ఫోన్ చేసిన వాళ్ల పేరు, వివరాలను చదివి వినిపిస్తుంది. అంటే ఫోన్ స్క్రీన్ చూడకుండానే ఎవరు కాల్ చేశారో తెలుసుకోవచ్చు.
కాల్ రికార్డర్
ట్రూ కాలర్లో కాల్ రికార్డింగ్ ఫీచర్ ఉన్నప్పటికీ అది గతంలో ప్రీమియం యూజర్లకు మాత్రమే అందుబాటులో ఉండేది. కానీ, ఇప్పుడు అది ఫీచర్ అయింది. అంటే అందరికీ ఈ ఫీచర్ వాడుకునే అవకాశం ఉందన్నమాట. దీంతో పాటు.. ట్రూ కాలర్ వాడుతున్న వారు మెసేజులు, కాల్స్ ఒకే ట్యాబ్ నుంచి చేసుకోవడానికి వీలుండేది. కానీ కొత్త ఫీచర్ ద్వారా ఇప్పుడు సెపరేట్గా కాల్
చేసుకునే వీలుంది. కాల్ లిస్ట్, మెసేజ్ల లిస్ట్ వేరువేరు ట్యాబ్స్లో రికార్డ్ అవుతాయి.
ఘోస్ట్ కాల్
ఈ కాల్ కొంత విచిత్రమైంది. దీన్ని ఉపయోగించి ఘోస్ట్ కాల్స్ చేయొచ్చు. ప్రాంక్ కాల్స్ చేయడానికి దీన్ని వాడొచ్చు. ఫోన్ చేసినప్పుడు ఫోన్ చేసిన వాళ్ల వివరాలు కాకుండా ఇతరుల పేరు, నెంబర్ లేదా ఫొటో కనిపించేలా మార్పులు చేయొచ్చు. ఈ ఫీచర్ ను కేవలం ప్రీమియం, గోల్డ్ సబ్ స్క్రైబర్స్కు మాత్రమే ఉపయోగించే ఛాన్స్ ఉంది.
గూగుల్ క్రోమ్ డార్క్ మోడ్
ఆండ్రాయిడ్, ఐఓఎస్లలో డార్క్ మోడ్ ఫీచర్కు విపరీతమైన స్పందన వచ్చిన తర్వాత చాలా ఫ్లాట్ఫామ్స్ కూడా డార్క్మోడ్కు ఇంపార్టెన్స్ ఇస్తున్నాయి. ఫోన్లు, డెస్క్టాప్స్లోనే కాదు గూగుల్ క్రోమ్లో కూడా డార్క్ మోడ్ ఫీచర్ అవసరం అవుతుంది. అందుకు కొన్ని అప్డేటెడ్ బ్రౌజర్లలో సెట్టింగ్స్లోకి వెళ్లి పర్సనలైజేషన్లో థీమ్స్ ఆప్షన్ సెలక్ట్ చేసుకొని డార్క్ థీమ్
సెట్ చేసుకోవచ్చు. కానీ, కొన్ని క్రోమ్ బ్రౌజర్లలో ఈ థీమ్ ఫీచర్ లేదు. అలాంటి వాటిలో ‘ డార్క్ థీమ్ ఎక్స్టెన్షన్’ బాగా పని చేస్తుంది. ఎక్స్టెన్షన్లోకి వెళ్లి డార్క్ థీమ్ అని సెర్చ్
చేస్తే చాలు. బోలెడు రకాల డార్క్ థీమ్స్ వస్తాయి. వాటిలో ప్యూర్ బ్లాక్, మెటల్ బ్లాక్, గ్లాసీ ఇలా చాలా రకాలు ఉన్నాయి. వాటిని అప్లయ్ చేసుకుంటే చాలు డార్క్ మోడ్ గూగుల్ క్రోమ్ను ఎంజాయ్ చేయొచ్చు.