ఆదిలాబాద్, ఆసిఫాబాద్, వెలుగు: నూతన సంవత్సరం శుభాకాంక్షలు తెలియజేసే అధికారులు, ఇతరులు ఎవరైనా సరే బొకేలకు బదులు బ్లాంకెట్లు ఇవ్వాలన్న ఆదిలాబాదు జిల్లా కలెక్టర్ దివ్య దేవరాజన్, కుమ్రంభీం ఆసిఫాబాద్జిల్లా కలెక్టర్రాజీవ్గాంధీ హనుమంతు సూచనకు మంచి స్పందన వచ్చింది. కలెక్టర్ క్యాంపు కార్యాలయానికి వచ్చిన అధికారులు, ప్రజాప్రతినిధులు కలెక్టర్లకు బ్లాంకెట్లు, దుప్పట్లు, స్వెటర్లు అందించి శుభాకాంక్షలు తెలిపారు. ఇలా వచ్చిన వాటిని వృద్ధులు, నిరుపేదలు, అనాథ ఆశ్రమాలకు అందించనున్నట్లు కలెక్టర్దివ్య దేవరాజన్ తెలిపారు. ఆసిఫాబాద్లో కలెక్టర్కు అందించిన బ్లాంకెట్లను పట్టణంలోని పీటీజీ గురుకుల స్కూల్లో స్టూడెంట్ల కు అందజేశారు.
