పెళ్లి అయిన రెండు నెలలకే నవ వధువు ఆత్మహత్యకు పాల్పడింది. ఈ ఘటన కామారెడ్డి జిల్లాలో చోటు చోసుకుంది. వివరాల ప్రకారం.. బీబీపేట మండలం జనగామ గ్రామానికి చెందిన అనూష(20)కు రెండు నెలల క్రితం రాజశేఖర్ అనే యువకుడితో వివాహం జరిగింది. ఏమైందో తెలియదు గానీ గురువారం (జనవరి 29) ఇంట్లో ఎవరూ లేని సమయంలో ఫ్యాన్కు ఉరి వేసుకుని అనూష ఆత్మహత్యకు పాల్పడింది.
ఇష్టం లేని పెళ్లి చేయడంతోనే ఆత్మహత్య చేసుకున్నట్లు మృతురాలి బంధువులు, గ్రామస్తులు అనుమానిస్తున్నారు. ఈ ఘటనపై బీబీపేట పోలీసులు కేసు నమోదు చేసి దర్యాప్తు చేపట్టారు. పెళ్లైన రెండు నెలలకే కూతురు ఆత్మహత్య చేసుకోవడంతో మృతురాలి తల్లిదండ్రులు, కుటుంబ సభ్యులు కన్నీరుమున్నీరుగా విలపిస్తున్నారు.
►ALSO READ | నాంపల్లి ఘటనపై హైడ్రా సీరియస్.. స్టాండర్డ్ ఫర్నిచర్ షాపు సీజ్..
