- నిజామాబాద్ పార్లమెంటు సెగ్మెంట్ లో ఎంపీ అభ్యర్థుల వాడీవేడీ కామెంట్స్
- మూడు పార్టీల మధ్య కొనసాగుతున్న డైలాగ్ వార్‌
- ఓటర్లను తిరుకాసులో పెట్టేలా మైండ్గేమ్
- నేటి నుంచి ప్రారంభం కానున్న నామినేషన్ల ప్రక్రియ
- పసుపు బోర్డు ఏమైందని ప్రశ్నిస్తున్న కాంగ్రెస్, బీఆర్ఎస్
- సీఏఏ, ఎన్ ఆర్సీ అంశాలే ప్రధానాస్త్రంగా ఎంపీ ప్రచారం
నిజామాబాద్, వెలుగు : నిజామాబాద్ పార్లమెంట్ సెగ్మెంట్లో ముగ్గురు ప్రధాన పార్టీల అభ్యర్థులు ఎన్నికల ప్రచార స్పీడ్ పెంచారు. గత నెల 16న ఎన్నికల షెడ్యూల్వెలువడ్డాక ప్రారంభమైన ప్రచారం ప్రస్తుతం జోరందుకుంది. పసుపు బోర్డు విషయంలో బీజేపీ అభ్యర్థి అర్వింద్ను డేట్ ఎక్సపైరీ అయిన యువ నాయకుడని కాంగ్రెస్ క్యాండిడేట్ జీవన్రెడ్డి తనదైన శైలిలో కౌంటర్లు ఇస్తున్నారు. కాంగ్రెస్ ఆరు గ్యారెంటీలను ప్రశ్నిస్తూ సీఏఏ, ఎన్ఆర్సీ అంశాలను బీజేపీ ప్రజల్లోకి తీసుకెళుతుంది.
మరో పక్క బీఆర్ఎస్ అభ్యర్థి బాజిరెడ్డి గోవర్ధన్ ఇద్దరిపై విమర్శల బాణాలు వదులుతున్నారు. ఈ నెల 18 నుంచి 25 దాకా నామినేషన్లు దాఖలు చేసే టైంలో వచ్చినందున ముగ్గురూ హుషారు వాతావరణం క్రియేట్ చేస్తున్నారు. క్యాడర్లో జోష్ పెంచే ప్రయత్నం చేస్తూ ఓటర్లను తికమక చేసే మైండ్గేమ్కు ప్రయారిటీ ఇస్తున్నారు. ఛాయ్పే చర్చ.. సభలు, సమావేశాలతో తన ఎన్నికల ప్రత్యర్థులెవరో అఫీషియల్గా తేలకముందే సిట్టింగ్ ఎంపీ ధర్మపురి అర్వింద్ మార్చి మొదటివారంలోనే ఎన్నికల ప్రచారం స్టార్ట్ చేశారు.
టికెట్ ధీమాతో ముందుకు సాగగా హైకమాండ్ ఆయన పేరును ఫస్ట్ లిస్టులో ప్రకటించింది. మొదట్లో కాషాయదండు, కుల సంఘాలతో నాలుగైదు మీటింగ్లకు పరిమితమై ఇప్పుడు 20 కి తగ్గకుండా ప్రోగ్రాం ఫిక్స్ చేసుకున్నారు.
బీజేపీ నేతల జోరు ప్రచారం
ఓటర్లను కలవడానికి ఛాయ్ పే చర్చ నిర్వహిస్తున్నారు. టిఫిన్, భోజన్ భైటక్ పేరుతో కార్యకర్తలను కలుస్తూ గ్రౌండ్ పరిస్థితి సేకరిస్తున్నారు. కేంద్ర మంత్రులను ప్రచారం కోసం రప్పించే ప్లాన్ చేస్తున్నారు. ఇవన్నీ ఒకెత్తుకాగా ప్రత్యర్థులను ఢీలా చేయడానికి సీఏఏ, ఎన్ఆర్సీ అంశాలను తన స్పీచ్లో తప్పక ఉండేలా చూసుకుంటున్నారు. వీటిని వ్యతిరేకించే వారు దేశద్రోహులని, జైళ్లకు పంపుతామని వాయిస్ పెంచారు.
సీఏఏకు వ్యతిరేకంగా కాంగ్రెస్ అభ్యర్థి జీవన్రెడ్డి ఆందోళన చేశారని తన ప్రసంగంలో ప్రస్తావిస్తున్నారు. ఆరుగ్యారెంటీలు అమలు చేశాకే ప్రజలను కాంగ్రెస్ ఓట్లు అడగాలని ప్రచారం చేస్తున్న ఆయన సీఎం రేవంత్రెడ్డి బీజేపీలోకి వస్తే మిత్రుడిగా వెల్కమ్ చెబుతానని జగిత్యాలలో సంచలన కామెంట్ చేశారు.
పసుపు బోర్డు చుట్టూ రాజకీయాలు
2019 ఎలక్షన్లో పసుపు బోర్టు ఏర్పాటు చేస్తానని బాండ్ పేపర్ రాసిచ్చి అమలు చేయలేని అర్వింద్ డేట్ ఎక్స్పైర్ అయిన నాయకుడని ఆయనకు ఓటేస్తే ఉపయోగమేమీలేదని జీవన్ రెడ్డి ప్రచారం చేస్తున్నారు. ఉమ్మడి ఆంధ్ర రాష్ట్ర పీసీసీ ప్రెసిడెంట్గా , సుదీర్ఘకాలం కాంగ్రెస్ లీడర్గా పనిచేసిన డి.శ్రీనివాస్ కొడుకు అర్వింద్ రక్తంలో కాంగ్రెస్ డీఎన్ఏ ఉందని సెటైర్లు వేస్తున్నారు. రాజ్యాంగాన్ని మార్చాలనే బీజేపీ ఆలోచన సెక్యూలర్ స్ఫూర్తికి విరుద్ధమని ప్రస్తావిస్తున్నారు. స్పష్టమైన ఉర్దూ, హిందీ, తెలుగు భాషలను మాట్లాడుతూ ప్రచారం కొనసాగిస్తున్నారు.
బీఆర్ఎస్ పార్టీ పనైపోయిందని బాజిరెడ్డి గోవర్ధన్ పోటీ నుంచి తప్పుకుంటే ఆయనకు కనీసం గౌరవం మిగులుతుందని తన మరో ప్రత్యర్థికి చురకలంటిస్తున్నారు. ధీటైన అభ్యర్థి సెలెక్షన్ కోసం హైకమాండ్ టైం ఎక్కువ తీసుకొని తను పేరును ప్రకటించాక జీవన్రెడ్డి పార్లమెంట్ సెగ్మెంట్ను చుట్టేస్తున్నారు. పార్లమెంట్ సెగ్మెంట్ ఎన్నికల ఇన్చార్జ్ మాజీ మంత్రి సుదర్శన్రెడ్డి అన్నీతానై ప్రచారం ప్లాన్ రూపొందించారు. మండలాల వారీగా కార్యకర్తలు, కుల సంఘాలతో మీటింగ్‌లు ముగించారు. ఇక రానున్న రోజుల్లో వీలైనన్నీ ఎక్కువ గ్రామాలకు వెళ్లేలా షెడ్యూల్ సిద్ధం చేశారు.
బాజిరెడ్డి కూడా జోరుగానే..
బీఆర్ఎస్ అభ్యర్థి బాజిరెడ్డి గోవర్ధన్ తన ఇద్దరు ఎన్నికల ప్రత్యర్థులను ఇరుకున పెట్టేలా కామెంట్లు చేస్తూ ప్రచారం నిర్వహిస్తున్నారు. బీజేపీ అభ్యర్థి అర్వింద్ పసుపు బోర్డు ప్రకటన బూటకమని ప్రధాని హోదాలో మోదీ ఇందూరు గడ్డపై ఇచ్చిన హామీ ఆరునెలలు దాటినా అడ్రస్లేకపోవడం ఆలోచించాలని ఓటర్లను కోరుతూ ప్రచారం చేస్తున్నారు. అర్వింద్ తండ్రి డి.శ్రీనివాస్ను 2014 ఎన్నికల్లో రూరల్ నియోజకవర్గంలో
ఓడించిన సందర్భాన్ని గుర్తుచేస్తూ ఉమ్మడి జిల్లాలోని ఆర్మూర్, బాన్స్వాడ, రూరల్ సెగ్మెంట్లలో తనలా ఎమ్మెల్యేగా గెలిచిన రికార్డు ఎవరికీలేదని స్పీచ్లు ఇస్తున్నారు. పార్లమెంట్లో తెలంగాణ గళం వినిపించడానికి తనను గెలిపించాలని ముందుకు సాగుతుండగా మారిన పొలిటికల్ పరిణామాల దృష్ట్యా ఆయనకు పెద్ద స్పందన రావడంలేదు.
