ఉత్తర్ ప్రదేశ్ నోయిడాలోని గౌర్ సిటీ-2లో పని కోసం వెళ్లిన తనను కుక్క కరిచిందని ఓ పని మనిషి పోలీస్ స్టేషన్ లో కంప్లయింట్ చేసింది. బిస్రఖ్ పోలీస్ స్టేషన్ పరిధిలోని గెలాక్సీ రాయల్ సొసైటీలో ఈ ఘటన చోటుచేసుకుంది. బాధితురాలు పని నిమిత్తం అపార్ట్‌మెంట్ కాంప్లెక్స్‌లోని 18వ అంతస్తుకు వెళ్తుండగా ఇది జరిగింది.
ఎలివేటర్ నుంచి బయటికి రాగానే, తెరచి ఉంచిన ఫ్లాట్ గదిలో నుంచి ఓ జర్మన్ షెపర్డ్ కుక్క బయటకు వచ్చి ఆ మహిళ చేతిని కొరికింది. వెంటనే సంఘటనా స్థలానికి చేరుకున్న ఫ్లాట్ యజమాని బాధితురాలిని సమీపంలోని ఆసుపత్రికి తరలించారు. మహిళ కాటుకు రేబిస్ టీకా, ప్రథమ చికిత్స తీసుకుంది. పోలీసులు తెలిపిన వివరాల ప్రకారం, పనిమనిషి బిస్రఖ్ పోలీస్ స్టేషన్‌లో లిఖితపూర్వకంగా ఫిర్యాదు చేసింది. ఫిర్యాదు మేరకు చట్టపరమైన చర్యలు తీసుకుంటున్నట్లు పోలీసులు తెలిపారు.
లిఫ్ట్ నుండి బయటకు వచ్చిన తర్వాత, ఒక ఫ్లాట్ గేటు తెరిచి ఉందని.. అంతలోనే ఒక జర్మన్ షెపర్డ్ కుక్క గేట్ నుండి బయటకు వచ్చి పనిమనిషి చేతిని కొరికిందని పోలీసులు తెలిపారు. బాధితురాలి ఫిర్యాదు ఆధారంగా బిస్రఖ్ పోలీసు స్టేషన్‌లో అవసరమైన చట్టపరమైన చర్యలు తీసుకుంటున్నట్లు గౌతమ్ బుద్ధ నగర్ పోలీసులు తెలిపారు. ఘటనపై విచారణ కొనసాగుతోందని, మరిన్ని వివరాలు తెలియాల్సి ఉందన్నారు.
