గచ్చిబౌలి, వెలుగు: ప్రముఖ జర్నలిస్ట్ టీకే లక్ష్మణ్రావు(70), అనారోగ్యంతో హైదరాబాద్లోని నిమ్స్ ఆస్పత్రిలో చికిత్స పొందుతూ మంగళవారం ఉదయం గుండెపోటుతో కన్నుమూశారు. ఆయన పార్థివదేహాన్ని గోపన్పల్లి జర్నలిస్టు కాలనీలోని తన ఇంటికి తరలించారు. సబ్ ఎడిటర్గా జర్నలిస్ట్ జీవితాన్ని ప్రారంభించిన లక్ష్మణ్రావు ఉదయం, ఆంధ్రభూమి, వార్త, సాక్షి వంటి ప్రధాన దినపత్రికల్లో వివిధ హోదాల్లో మూడున్నర దశాబ్దాలకు పైగా పని చేశారు. ‘మఫిసిల్ స్పెషలిస్టు’ గా పేరుపొందారు.
సాక్షిలో అసోసియేట్ఎడిటర్గా రిటైర్డ్ అయ్యారు. ఆయనకు భార్య, కొడుకు, కుమార్తె ఉన్నారు. లక్ష్మణ్రావు మృతి పట్ల సీనియర్ జర్నలిస్టులు, రాజకీయ ప్రముఖులు, జర్నలిస్టు సంఘాల నేతలు దిగ్ర్భాంతి వ్యక్తం చేశారు. ఆయన ఆత్మకు శాంతి చేకూరాలని సంతాపం తెలిపారు. బుధవారం సాయంత్రం జూబ్లీహిల్స్మహాప్రస్థానంలో లక్ష్మణ్రావు అంత్యక్రియలు నిర్వహించనున్నట్లు కుటుంబసభ్యులు, సన్నిహితులు తెలిపారు.
