Vaibhav Sooryavanshi: న్యూజిలాండ్‌తో క్రైస్ట్‌చర్చ్ వేదికగా జరుగుతున్న రెండో టీ20 మ్యాచ్‌లో భారత 15 ఏళ్ల యంగ్ సెన్సేషన్ వైభవ్ సూర్యవంశీ (Vaibhav Sooryavanshi) తుది జట్టులోకి అరంగేట్రం చేసిన సంగతి తెలిసిందే. అయితే, ఓపెనర్గా దిగే వైభవ్, ఈ మ్యాచ్‌లో మాత్రం మూడో స్థానంలో (No. 3) బ్యాటింగ్‌కు దిగనుండటం క్రికెట్ వర్గాల్లో ఆసక్తికర చర్చగా మారింది. గాయపడిన ఇషాన్ కిషన్ స్థానంలో వైభవ్‌ను జట్టులోకి తీసుకున్న భారత యాజమాన్యం, సంజు శాంసన్-అభిషేక్ శర్మల ఓపెనింగ్ జోడీని మార్చకూడదని ఫిక్స్ అయింది.
నంబర్-3 లో వైభవ్ ట్రాక్ రికార్డ్:
* వైభవ్ సూర్యవంశీకి మూడో స్థానంలో బ్యాటింగ్ చేయడం ఇదే తొలిసారి కాదు. గతంలో అతను ఒకే ఒక్కసారి మూడో స్థానంలో బ్యాటింగ్ చేశాడు.
* యూత్ టెస్ట్ రికార్డ్: అక్టోబర్ 2025లో ఆస్ట్రేలియా అండర్-19 జట్టుతో మెక్కేలో జరిగిన యూత్ టెస్ట్ మొదటి ఇన్నింగ్స్‌లో వైభవ్ మూడో స్థానంలో వచ్చి 14 బంతుల్లో 20 పరుగులు సాధించాడు. కాగా టీ20 ఫార్మాట్‌లో ఒక అంతర్జాతీయ స్థాయిలో మూడో స్థానంలో ఆడటం వైభవ్‌కు ఇదే మొదటిసారి.
గంభీర్ ఫ్లెక్సిబిలిటీ ఫార్ములా:
* భారత హెడ్ కోచ్ గౌతమ్ గంభీర్ (Gautam Gambhir) ఆలోచనా ధోరణికి అనుగుణంగానే ఈ మార్పు జరిగినట్లు తెలుస్తోంది.
* ఓపెనర్లు మినహా మిగిలిన బ్యాటర్లు ఏ స్థానంలోనైనా బ్యాటింగ్ చేసేలా, మ్యాచ్ పరిస్థితులకు తగ్గట్టు ఫ్లెక్సిబుల్‌గా (Flexible) ఉండాలని గంభీర్ బలంగా నమ్ముతారు. ఈ ప్రయోగంలో భాగంగానే వైభవ్‌ను మూడో స్థానంలో బరిలోకి దించి, అతడి ఫ్లెక్సిబిలిటీని పరీక్షించనున్నారు.
మ్యాచ్ అప్‌డేట్:
టాస్ గెలిచిన భారత కెప్టెన్ శ్రేయస్ అయ్యర్ ముందుగా ఫీల్డింగ్ తీసుకున్నాడు. దీంతో తొలుత బ్యాటింగ్ చేస్తున్న న్యూజిలాండ్ జట్టుకి ఆదిలోనే బిగ్ షాక్ తగిలింది. కేవలం 41 పరుగులకే కీలకమైన 3 వికెట్లని కోల్పోయి ఇబ్బందుల్లో పడింది. కాగా అనంతరం క్రీజులోకి వచ్చిన గ్లెన్ ఫిలిప్స్, బెవాన్ జాకబ్స్ రాణిస్తుండటంతో 15 ఓవర్లలో కివీస్ టీమ్ 120/3 చేసింది.
