జీడిమెట్ల, వెలుగు: ఆర్థిక ఇబ్బందులతో ఓ లేబర్ కాంట్రాక్టర్ ఆత్మహత్య చేసుకున్నాడు. ఎస్సై మురళిగౌడ్తెలిసిన వివరాల ప్రకారం.. ఒడిశాకు చెందిన లూనామేది(45) జీవనోపాధి కోసం నగరానికి వచ్చాడు. సూరారం ఇండస్ట్రియల్ ఏరియాలోని హట్సన్మిల్క్కంపెనీలో ఎనిమిదేండ్లుగా లేబర్ కాంట్రాక్టర్గా పని చేస్తున్నాడు. ఇతని వద్ద 20 మంది కార్మికులు పని చేస్తున్నారు. కాగా కొంతకాలంగా లూనామేది ఆర్థికంగా ఇబ్బందులు పడుతున్నాడు.
ఈ నేపథ్యంలో కంపెనీ 3 నెలలుగా డబ్బులు చెల్లిస్తున్నా వాటిని కార్మికులకు ఇవ్వడం లేదు. వారు తమ జీతాలు ఇవ్వాలని అడగడంతో మనస్తాపానికి గురయ్యాడు. కంపెనీకి చెందిన లేబర్ అడ్డాలో ఆదివారం ఉరేసుకొని ఆత్మహత్య చేసుకున్నాడు. కేసు దర్యాప్తు చేస్తున్నట్లు ఎస్సై పేర్కొన్నారు.
