తల్లాడ, వెలుగు: తమ ఎకరం భూమి పాస్ బుక్ ఇవ్వాలని తల్లాడకు చెందిన వృద్ధ దంపతులు మొక్కా సీతారాములు, అప్పమ్మ దంపతులు వారి కూతురు ఆదిలక్ష్మితో కలిసి సోమవారం తహసీల్ఆఫీసు ఎదుట ఆందోళనకు దిగారు. సర్వే నంబర్ 70లో భూమి తీసుకున్నామని, ఇప్పటికీ తమకు పాస్ బుక్ఇవ్వలేదన్నారు. కలెక్టర్, తహసీల్ఆఫీసుల చుట్టూ తిరిగినా ఆఫీసర్లు పట్టించుకోవడంలేదని ఆరోపించారు. విషయం తెలుసుకున్న కాంగ్రెస్ పార్టీ సత్తుపల్లి నియోజకవర్గ లీడర్డాక్టర్ మట్టా దయానంద్ వారికి సంఘీభావం తెలిపారు.
దీనిపై తహసీల్దార్ గంటా శ్రీలతను వివరణ కోరగా సదరు భూమి గురజాల రఘురామారావు వద్ద కొనుగోలు చేశారని, అమ్మినవారు ఇద్దరు అన్నదమ్ములు కావడంతో వారసత్వ పంపకాల్లో ఆ భూమి మాధవరావుకి వెళ్లడంతో మాధవరావు తన కోడలు కంది రేఖ పేరున గిఫ్ట్ రిజిస్ట్రేషన్ చేయించాడన్నారు. కందిరేఖ మొక్క సీతారాముల పేరున రిజిస్ట్రేషన్ చేస్తే తప్ప సమస్య పరిష్కారం కాదని తహసీల్దార్చెప్పారు.
